belgaum

संगोळी रायान्नानगर मजगाव कॉर्नर येथे रस्त्याशेजारील खांबावर असलेला खुल्या अवस्थेतील विजेचा कनेक्शन बॉक्स ये-जा करणाऱ्या नागरिकांसाठी धोकादायक ठरत असून याकडे हेस्कॉमने तात्काळ लक्ष देण्याची मागणी होत आहे.

संगोळी रायान्नानगर मजगाव कॉर्नर येथील आयटीआय समोरील रस्त्याशेजारी असलेल्या विजेच्या खांबावरील कनेक्शन बॉक्स खुल्या अवस्थेत ठेवण्यात आला आहे.

खांबावर असलेला हा बॉक्स अवघ्या हाताच्या उंचीवर असून या बॉक्समधील विजेच्या जिवंत तारा बाहेर डोकावत आहेत. या खांबाशेजारी बुक स्टॉल असल्यामुळे त्या ठिकाणी विद्यार्थ्यांची दिवसभर ये-जा सुरू असते.Hescom

या विद्यार्थ्यांसाठी तसेच पादचाऱ्यांच्या दृष्टीने खांबावरील खुला वीज कनेक्शन बॉक्स जीवघेणा ठरण्याची शक्यता नाकारता येत नाही. सदर खांबानजीक उभ्या राहिलेल्या एखाद्याने अनावधानाने हात वर केला आणि त्याचा त्या बॉक्समधील विजेच्या तारांना स्पर्श झाला तर अनर्थ घडू शकतो.

तरी मजगाव भागाच्या जबाबदार हेस्कॉम अधिकाऱ्यांनी याकडे गांभीर्याने लक्ष देऊन तात्काळ आवश्यक ती दुरुस्ती करावी, अशी मागणी जागरूक नागरिकांकडून केली जात आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.