ठेकेदार संतोष पाटील आत्महत्त्ये मागे माझी सीडी बनवलेल्या त्या महानायकाचा हात आहे असा गौफ़्यस्फोट माजी मंत्री रमेश जारकीहोळी यांनी केलाय.
बेळगाव तालुक्यातील बडस या गावातील संतोष पाटील याच्या कुटुंबातीयाना भेट देऊन सांत्वन केल्या नंतर ते मध्यमांशी बोलत होते.
रमेश जारकीहोळी यांना आणि ईश्वरप्पा यांना बदनाम करणारी एकच टोळी आहे याबाबत मी सोमवारी पत्रकार परिषद घेऊन पुढील खुलासा करणार आहे.हाय कमांडशी चर्चा करून मी पुढच्या गोष्टींचा उलगडा करणार असल्याचे सांगत रमेश जारकीहोळी यांनी ईश्वरप्पा यांनी कोणत्याही परिस्थितीत राजीनामा देऊ नये जर त्यांची चूक असेल तर त्यांना फाशी ध्यावी असेही त्यांनी नमूद केलं
या प्रकरणाची सगळी माहिती मी सोमवारी पत्रकारांना देईन संतोष हा मरणारा माणूस नव्हता, त्याने स्वता नागेश ला फोन केला होता आगामी एका आठवड्यात रमेश जारकीहोळी पुन्हा मंत्री होतात सगळं व्यवस्थित होईल असे म्हणणारा आत्महत्या कसा करतो हा प्रश्न त्यांनी यावेळी उपस्थित केला.
सोमवारी मी या बद्दल अधिक माहिती देणार असून सी डी केस आणि आत्महत्या केस सी बी आय कडे सोपवावी अशी मागणीही करणार असल्याचे सांगितले.रमेश जारकीहोळी यांच्या वक्तव्याने संतोष पाटील आत्महत्या प्रकरणाला नवे वळण मिळाले आहे
माजी मंत्री व भाजपचे आमदार रमेश जारकीहोळी यांनी आज मयत संतोष पाटील यांच्या कुटुंबीयांची भेट घेऊन सांत्वना केली.
अश्लिल सीडी प्रकरणात मला अडकवणार्यांनीच मंत्री ईश्वरप्पा यांच्या विरोधात संतोष पाटील यांच्या आत्महत्येचे षडयंत्र रचले आहे. यासंदर्भातील सविस्तर माहिती आपण सोमवारी जाहीर करू. असेही रमेश जारकीहोळी यांनी सांगितले आहे.
