बेळगाव शहरातील होळी उत्सवामध्ये चव्हाट गल्लीच्या होलिकोत्सवाला खूप महत्त्व आहे तर होळीचे झाड किल्ल्या मधून खास निवड करून आणले जाते यासाठी शेकडो सहभागी असतात युवक किल्ला ते गल्ली पर्यंत अशी मिरवणूक काढून आणले जाते.
होळी दिवशी चवाट गल्लीतील युवक पंच मंडळी युवक मिळून एकत्र जमा होतात किल्ल्यात जातात अंदाजे 40 ते 50 फुटांच्या लांबीचे झाडं तोडलं जात. सर्व पंचाच्या देखरेखीखाली हे झाडं तोडलं जात आणि या आधुनिक युगात क्रेनचा वापर न करता मुलांच्या ताकतीनुसार हे झाडं तोडून ते तयार केलेल्या गाड्यावर बसवलं जातं.
यात काही लोकांना प्रश्न पडत असेल की पर्यावरण सांभाळण्यासाठी झाडं असताना ही झाडं का तोडली जातात.?ज्या झाडांचा उपयोग कोणत्याही कारणाला होत नाही आणि ज्या झाडांचे आयुष्य फक्त 15 वर्षे असते आणि ते आपलं आपण वाढत जाते म्हणून पूर्वजांनी अश्या झाडाचा विचार करून अश्या झाडांची निवड होळीच्या साठी केला असावा असे चवाट गल्लीतील पंचनी बेळगाव live शी बोलताना सांगितले.
हे झाड बैलाच्या जोडीने गाड्यावरून आणलं जात बैलाच्या जोडीच्या साहाय्याने चव्हाट गल्ली पर्यंत आणलं जाते.चव्हाट गल्लीत मात्र गल्लीभर झाडाचा गाडा युवक ओढतात.झाड तोडीसाठी सुरुवातीला किल्ला स्थित मिलिटरी अधिकाऱ्यांची परवानगी घेतली जाते त्या सोबत मार्केट पोलीसांना देखील याची कल्पना दिली जाते रीतसर ज्या मालकांचे हे झाड आहे त्यांची देखील परवानगी घेतली जाते असेही पंचानी पुढे नमूद केलं.
रंग पंचमी दिवशी सकाळी हे आडवे केलेले झाड पुन्हा उभे केले जाते आणि हे करण्यासाठी पूर्वीच्या काळापासून संगी याचा वापर केला जातो. संगी म्हणजे दोन मोठी लाकडे त्या लाकडाच्या बाजूला दोर बांधली जाते आणि तळाच्या पायाला दोन वेगवेगळे दोर बांधून उभा केले केले जाते. झाड उभा करत असताना ती संगी पुढे पुढे नेली जाते अश्या तीन संग्याचां वापर करून हे झाड उभे केले जाते.उभा झाल्यावर या होळीच्या झाडाची परिक्रमा पुरी होते.
आधुनिक युगात तंत्रज्ञानाचा वापर न करता केवळ मनुष्याच्या बळावर हे झाडं कसे उभं केलं जातं हे पाहण्यासाठी बेळगावातील शेकडो लोक चव्हाट गल्लीत दाखल होत असतात.
होळीच्या सणाचे पावित्र्य जपण्याचे काम पंच मंडळी युवक करताना पहावयास मिळते होळीचे हे हे झाड कसे उभे केले जाते आणि होळीचा पावित्र्य कसे पारंपरिक पद्धतीने केले जाते यासाठी अनेकांची इथे उपस्थिती असते.
