समीक्षक: संजय साबळे
"मी आहे…"
मी आहे…सीमारेषेच्या पलीकडे जन्मलेला,पण संतांच्या शब्दात वाढलेला…भक्तीने...
कॅनरा बँक ऑफिसर्स असोसिएशनतर्फे हिंडाल्को मैदानावर आयोजित टेनिस बॉल क्रिकेट स्पर्धेचे विजेतेपद सदर्न स्टार संघाने पटकाविले, तर आर. ओ. बेळगाव संघाला उपविजेतेपदावर समाधान मानावे लागले.
सदर स्पर्धेच्या अंतिम सामन्यात सदर्न स्टार संघाने प्रतिस्पर्धी आर. ओ. बेळगाव संघावर 19 धावांनी विजय मिळविला. प्रथम फलंदाजी करताना सदर्न स्टार संघाने मर्यादित 10 षटकांत 127 धावा जमविल्या.
त्यांच्या स्वप्नील बंडे याने सुरेख गोलंदाजीचे प्रदर्शन करताना सर्वाधिक 60 धावा फटकाविल्या. आर. ओ. बेळगाव संघातर्फे नवीन याने 2 गडी बाद केले. प्रत्युत्तरादाखल फलंदाजी करताना आर. ओ. बेळगाव संघाला मर्यादित 10 षटकात 9 गडी बाद 108 धावा जमविता आल्या.
त्यांच्या गुरू याने 28 आणि नवीनने 24 धावा काढल्या. सदर्न संस्कार संघातर्फे स्वप्नील बंडे व राजेश यांनी प्रत्येकी दोन गडी बाद केले.
अष्टपैलू कामगिरी नोंदविणाऱ्या स्वप्निल बंडे याला अंतिम सामन्यातील सामनावीर तसेच मालिकावीर पुरस्काराने सन्मानित करण्यात आले. स्पर्धेच्या बक्षीस वितरण समारंभास प्रमुख पाहुणे म्हणून कृष्णाप्पा, अशोक कुंभार, शिवानंद हुंबरवाडी, वीरेश आदींच्या हस्ते विजेत्या आणि उपविजेत्या संघाला आकर्षक चषक देऊन गौरविण्यात आले.
कार्यक्रमाचे सूत्रसंचालन व आभार प्रदर्शन अमित काबाडी यांनी केले. स्पर्धेसाठी पंच म्हणून सुनील देसाई आणि प्रमोद जपे यांनी तर स्कोरर म्हणून फुरकान मुल्ला यांनी चोख काम पाहिले.
