बेळगाव जर्नालिस्ट असोसिएशनतर्फे सर्वच पत्रकारांना आरोग्य कार्ड मिळावे यासंदर्भात आज सकाळी जिल्हाधिकाऱ्यांना निवेदन सादर करण्यात आले.
लोकशाहीचा चौथा आधारस्तंभ असलेल्या पत्रकारांना अनेक सुविधांपासून वंचित ठेवले जात आहे त्याचप्रमाणे त्यांना आरोग्य सुविधा मिळण्यात व्यत्यय येत आहे. वृत्तपत्र क्षेत्रातील ठराविक पत्रकारांना आरोग्य कार्ड वितरीत करण्यात आली आहेत. मात्र इतर पत्रकार त्या सुविधेपासून वंचित असल्यामुळे शहरातील सर्वच पत्रकारांना आरोग्य कार्ड मंजूर करण्यात यावीत. त्याचप्रमाणे इतर गोष्टींमध्ये देखील पत्रकारांना सवलती दिल्या जाव्यात.
फक्त पत्रकारच नाहीतर छायाचित्रकार, व्हिडिओग्राफर यांना देखील आरोग्य कार्ड वितरित करण्यात यावीत, अशी मागणी निवेदनाद्वारे करण्यात आली आहे.
बेळगाव जर्नालिस्ट असोसिएशनच्या पदाधिकाऱ्यांच्या नेतृत्वाखाली उपरोक्त निवेदन आज सकाळी जिल्हाधिकाऱ्यांना सादर करण्यात आले.
जिल्हाधिकारी एम. जी. हिरेमठ यांनी निवेदनाचा स्वीकार करून योग्य ती कार्यवाही करण्याचे आश्वासन दिले. याप्रसंगी बेळगाव शहरासह जिल्ह्यातील बहुतांश पत्रकार, छायाचित्रकार आणि व्हिडिओग्राफर्स उपस्थित होते.
