‘तो’ सैनिक मनोरुग्ण : कुटुंबियांनी केला दावा

पंजाबमधील सीमा सुरक्षा दलाच्या बीएसएफ छावणीमध्ये गेल्या 6 मार्च रोजी आपल्या चार सहकार्‍यांची हत्या करून आपला जीव गमावलेल्या सत्याप्पाकिलरगी याच्या कुटुंबातील सदस्यांनी सट्टेप्पा हा मानसिकदृष्ट्या अस्थिर होता, असा दावा केला आहे.

बेळगाव जिल्ह्यातील हुक्केरी जवळील जुने वंटमुरी गावातील 35 वर्षीय हवालदार सत्याप्पा याने तोरस्कर डी. एस., राम बिनोद, रतन सिंग आणि बलजिंदर कुमार यांना अमृतसर जिल्ह्यातील खासा येथे बीएसएफ छावणीमध्ये गोळ्या घालून ठार केले. यासंदर्भात आता त्याचे कुटुंबीय आपली बाजू मांडत आहेत. गेल्या कांही महिन्यांपासून सट्टेप्पा याच्यावर मानसोपचार तज्ज्ञांकडून उपचार सुरू होते, असा त्याच्या नातेवाईकांचा दावा आहे. त्याची पत्नी भीमव्वा हिने सांगितले की, तिचा नवरा नैराश्येने ग्रासला होता आणि धारवाडमधील मेंटल हॉस्पिटलमध्ये डॉक्टरांनी त्याच्यावर उपचार केले होते. माझ्या पतीला त्याच्या सहकाऱ्यांकडून मानसिक त्रास सहन करावा लागत होता. तसेच त्याला त्याच्या वरिष्ठ अधिकाऱ्यांनी समजून घेतले नाही, पाठिंबा दिला नाही. ज्यांनी त्याला आजारपणाची रजाही नाकारली, असे ती म्हणाली.

गेल्या नोव्हेंबर 2021 मध्ये सत्यप्पाला आठवडे रजा मंजूर झाल्यानंतर एक महिन्यासाठी त्याची रजा वाढवून देण्याची विनंती करणारे पत्र लिहिले होते असेही तिने स्पष्ट केले. त्यांच्या भावाने कौटुंबिक मालमत्तेच्या वाटणीचा आग्रह धरल्यानंतर सट्टेप्पा गावी आला होता. ज्या दिवशी कुटुंबातील सदस्यांची मालमत्तेच्या वाटणीवर चर्चा सुरू होती, त्यादिवशी तो बेशुद्ध झाला आणि विचित्र वागू लागला. त्यामुळे आम्ही त्याला धारवाडच्या मेंटल हॉस्पिटलमध्ये उपचारासाठी घेऊन गेलो. त्याठिकाणी डॉक्टरांनी त्याला कांही औषधा दिल्यानंतर एक महिना बेडरेस्टचा सल्ला दिला होता.

मी हे सर्व तपशीलवार पत्रात लिहून कमांडंटला त्याच्या वरिष्ठांना कळविले आणि रजा वाढवून देण्याची विनंती केली होती. परंतु ती विनंती मान्य करण्यात आली नाही. माझ्या पतिला पुन्हा ड्युटीवर बोलावून घेण्यात आले. त्याच्या वरिष्ठांनी पत्नी आणि तीन मुलांना त्याच्या पोस्टिंगच्या ठिकाणी फॅमिली कॉटर्समध्ये राहण्यासाठी आणण्याची परवानगी देण्याची सत्याप्पाची विनंती फेटाळून लावली होती, असा आरोपही पत्नीने केला

अमृताचा भाऊ केंपण्णा याने सांगितले की, घटनेच्या दिवशी सकाळी सट्टेप्पा याने आपल्या पत्नीशी बोलणे केले होते. रजेसाठी त्यांनी वारंवार केलेल्या विनंती फेटाळण्यात आल्यामुळे तो अस्वस्थ झाला होता. दरम्यान बीएसएफच्या महासंचालनालयाने अद्याप कुटुंबाच्या आरोपांना व ई-मेल हा प्रतिसाद दिलेला नाही.