देशवासीयांच्या मनात आजच्या पंचायत निवडणुकीच्या निकालांनी कुतूहल निर्माण केले आहे. विजयाचा आनंद साजरा करणाऱ्या उमेदवारांनी विजयोत्सव साजरा केला. गोव्यातील सावर्डे विधानसभा क्षेत्रातील भाजप उमेदवार गणेश गावकर यांच्या बाजूने रात्रंदिवस प्रचार करणारे बेळगाव उत्तरचे आमदार ॲड. अनिल बेनके यांनाही त्यांचे प्रतिफळ मिळाले.
गोव्यातील सावर्डे मतदारसंघात भाजपला मोठा विजय मिळाला आहे. बेळगाव उत्तर मतदार संघाचे आमदार ॲड. अनिल बेनके यांनी आज गुरुवारी मतदानाची जबाबदारी सांभाळत आपल्या उमेदवाराला विजय मिळवून देऊन आपल्या अफाट समर्थकांशी संवाद साधला. विकासाभिमुख कामांमुळे भाजपपूर्वी सत्ताधारी पक्ष होता. आता गोव्यातील जनतेमुळे गोवा राज्यात भाजप पुन्हा सत्तेत आला आहे.
यासंदर्भात बोलताना आमदार ॲड. अनिल बेनके म्हणाले की, 2022 च्या विधानसभा निवडणुकीत गोव्यातील भाजप उमेदवारांच्या दणदणीत विजयाबद्दल मी गोव्यातील जनतेचे आभार मानतो. आदरणीय पंतप्रधान नरेंद्र मोदीजी यांच्या दुरदर्शी नेतृत्वाचे मार्गदर्शन असलेल्या आमच्या पक्षावरील जनतेचा विश्वास आजच्या विजयात प्रतिबिंबीत होतो.
सावर्डे विधानसभा मतदारसंघाचा मी स्वतः प्रभारी म्हणून गोव्यात सर्वाधिक मताधिक्याने विजयी मिळवल्याबद्दल सावर्डेचे भाजप उमेदवार गणेश गावकर (भाऊ) यांचे अभिनंदन करतो. तसेच गोवा निवडणूक प्रभारी राज्यसभा खासदार विनय तेंडुलकर आणि सावर्डे एसी प्रभारी व भाजप गोवा प्रदेश सरचिटणीस नरेंद्र सावेकर यांचेही अभिनंदन करतो असे बेनके म्हणाले.
त्यानंतर आमदार ॲड. अनिल बेनके यांनी पणजी येथील भाजप कार्यालयाला भेट देऊन गोवा भाजपा निवडणूक प्रभारी व राष्ट्रीय प्रधान कार्यदर्शी सी. टी. रवी त्यानंतर सहप्रभारी महाराष्ट्राचे माजी मुख्यमंत्री देवेंद्र फडणवीस आणि आजी व भावी मुख्यमंत्री प्रमोद सावंत यांना भेटून गोव्यामधील प्रचंड विजयासाठी अभिनंदन केले.
याप्रसंगी बेळगावचे भाजप पदाधिकारी बुडा अध्यक्ष संजय बेळगावकर, पांडुरंग धामणेकर, महांतेश वक्कुंद, ईरय्या खोत, अशोक थोराट आदींसह बहुसंख्य भाजप कार्यकर्ते उपस्थित होते.
