हुक्केरी तालुक्यातील मोदगे (मोहनगे) येथील आराध्य दैवत श्री भावेश्वरी देवीचा यात्रोत्सव येत्या गुरुवार दि. 17 ते शनिवार दि. 19 फेब्रुवारी 2022 या कालावधीत साजरा केला जाणार आहे.
मोदगे (मोहनगे) येथील श्री भावेश्वरी देवी यात्रोत्सवाच्या पहिल्या दिवशी गुरुवार दि. 17 फेब्रुवारी रोजी शस्त्र इंगळ्या हा धार्मिक कार्यक्रम होणार आहे.पश्चिम महाराष्ट्र मुंबई आणि उत्तर कर्नाटक बेळगाव भागांतील लाखों भाविक या देवीच्या दर्शनाला यात्रेला दरवर्षी येत असतात.
त्यानंतर शुक्रवार दि. 18 फेब्रुवारी रोजी मर यात्रा होणार असून शेवटच्या दिवशी शनिवार दि. 19 फेब्रुवारी रोजी पालखी सोहळा संपन्न होणार आहे.
तरी भाविकांनी याची नोंद घेऊन देवीच्या दर्शनाचा व स्नेहभोजनाचा लाभ घ्यावा, असे आवाहन यात्रोत्सव कमिटीतर्फे करण्यात आले आहे.