व्हाट्सअप, फेसबुक, ट्विटर, इन्स्टाग्राम अशा सोशल मीडियाच्या माध्यमातून ‘हिजाब अथवा केसरी’ संदर्भात कोणाच्याही भावना दुखणाऱ्या वादग्रस्त पोस्ट करू नयेत. या पद्धतीने सामाजिक शांतता भंग करण्याचा प्रयत्न कोणी करू नये, असे आवाहन डीसीपी रवींद्र गांधी यांनी केले आहे.
दरम्यान, कर्नाटकातील हिजाब वादाशी संबंधित एका याचिकेवर सर्वोच्च न्यायालयाने काल तातडीची सुनावणी फेटाळून लावली. आम्ही योग्य वेळी हस्तक्षेप करू अशी टिप्पणीही न्यायालयाने केली आहे.
शाळा आणि महाविद्यालयात हिजाबवर निर्बंध असल्याच्या प्रकरणात कर्नाटक उच्च न्यायालयाने विद्यार्थ्यांना धार्मिक वस्त्रे परिधान करणे टाळण्याचा सल्ला दिला आहे.
त्यानंतर कर्नाटकातील एका मुलीने गेल्या गुरुवारी सर्वोच्च न्यायालयात धाव घेतली होती. त्यावेळी या गोष्टी राष्ट्रीय स्तरावर पसरू नका. आम्ही योग्य वेळी हस्तक्षेप करू, असे सरन्यायाधीश यांनी एन. व्ही. रमण यांनी तातडीने सुनावणी नाकारताना सांगितले आहे.