केंद्रीय वाहतूक आणि महामार्ग खात्याचे मंत्री नितीन गडकरी यांच्या हस्ते 23,972 कोटी रुपये खर्चाच्या आणि 238 कि. मी. लांबीच्या 5 राष्ट्रीय महामार्गांचा पायाभरणी समारंभ येत्या सोमवार दि. 28 फेब्रुवारी 2022 रोजी सकाळी 10 वाजता बेळगाव येथे आयोजित करण्यात आला आहे.
शहरातील नेहरूनगर येथील जिल्हा क्रीडांगणावर या समारंभाचे आयोजन करण्यात आले आहे. पायाभरणी करण्यात येणाऱ्या या महामार्गाच्या प्रकल्पांमध्ये पुढील मार्गांचा समावेश आहे. 1) बेळगाव ते संकेश्वर हा 1479.3 कोटी रुपये खर्चाचा आणि 40.07 कि. मी. अंतराचा बेळगाव ते संकेश्वर 6 पदरी मार्ग, 2) महाराष्ट्र सीमेपर्यंतचा 1388.7 कोटी रुपये खर्चाचा आणि 69.17 कि. मी. अंतराचा सहापदरी संकेश्वर बायपास रस्ता, 3) राष्ट्रीय महामार्ग क्र. 48 एए वरील बेळगाव -जांबोटी -साकलीम दरम्यानचा 246.78 कोटी रुपये खर्चाचे 69.70 कि. मी. अंतराच्या रस्त्याचे दुपदरीकरण, 4) विजापुरा मुरगुंडीपासूनच्या रस्त्याचे 79.70 कोटी रुपये खर्चाचे दुपदरीकरण, 5) सिद्धापूर ते विजापूर या 11.62 कि. मी. अंतराच्या रस्त्याचे 90.13 कोटी रुपये खर्चाचे दुपदरीकरण. शहरांमध्ये आज सकाळी आयोजित पत्रकार परिषदेमध्ये खासदार मंगला अंगडी यांनी उपरोक्त माहिती दिली. याप्रसंगी शहराचे उभय आमदार उपस्थित होते.
केंद्रीय रस्ते वाहतूक मंत्री गडकरी हे जानेवारी महिन्यातचं बेळगावला येणार होते. मात्र कांही कारणास्तव हा दौरा रद्द झाला होता. मात्र आता आता त्यांचा 28 फेब्रुवारी रोजी बेळगाव दौरा निश्चित झाला आहे.
केंद्रीय रस्ते वाहतूक मंत्री गडकरी हे जानेवारी महिन्यातचं बेळगावला येणार होते मात्र काही कारणास्तव हा दौरा रद्द झाला होता आता गडकरी यांचा 28 फेब्रुवारी रोजी दौरा निश्चित झाला आहे.
