कर्नाटक उच्च न्यायालयाचे मुख्य न्यायाधीश ऋतुराज अवस्थी यांनी नुकतीच बेळगावला सपत्नीक सदिच्छा भेट दिली. यावेळी बेळगाव बार असोसिएशनतर्फे त्यांचे स्वागत करून सत्कार करण्यात आला.
कर्नाटक उच्च न्यायालयाचे मुख्य न्यायाधीश ऋतुराज अवस्थी आणि त्यांच्या पत्नी या उभयता प्रमाणे यावेळी कर्नाटक उच्च न्यायालयाचे रजिस्ट्रार टी. जी. शिवशंकरेगौडा आणि ॲडव्होकेट जनरल ऑफ कर्नाटक प्रभुलिंग नावदगी यांनी देखील आज बेळगावला सदिच्छा भेट दिली.
याप्रसंगी बेळगाव बार असोसिएशनच्यावतीने मुख्य न्यायाधीश ऋतुराज अवस्थी यांचा शाल, फळे आणि बेळगावचा कुंदा देऊन सन्मान करण्यात आला. तसेच त्यांच्यासोबत असलेल्या त्यांच्या पत्नीनाही सन्मानित करण्यात आले.
त्याचप्रमाणे ॲडव्होकेट जनरल प्रभुलिंग नावदगी आणि रजिस्टर टी. जी. शिवशंकरेगौडा यांचाही सत्कार करण्यात आला. बेळगाव येथे झालेल्या या सत्कार समारंभाच्या अध्यक्षस्थानी बार असोसिएशनचे अध्यक्ष ॲड. प्रभू यतनट्टी हे होते.
सत्कार समारंभाप्रसंगी बार असोसिएशनचे उपाध्यक्ष ॲड. सुधीर चव्हाण, ॲड. सचिन शिवन्नावर, सचिव ॲड. ॲड. गिरीराज पाटील, सहसचिव ॲड. बंटी कपाही, कार्यकारी सदस्य ॲड. महांतेश पाटील, ॲड. अभिषेक जोशी, ॲड. आदर्श पाटील, ॲड. इरफान बयाल, ॲड. पी. के. पवार, महिला प्रतिनिधी ॲड. पूजा पाटील ॲड. पी. एफ. गौडर, ॲड. प्रवीण सांबरेकर आदी बहुसंख्य वकील उपस्थित होते.
