बेळगाव तालुक्यातील बिजगर्णी ग्रामपंचायतीच्या अध्यक्ष पदी मनोहर बेळगावकर यांची नूतन अध्यक्षपदी तर पूजा सुतार यांची उपाध्यक्षपदी बिनविरोध निवड झाली आहे.
बिजगर्णी ग्रामपंचायत अध्यक्ष व उपाध्यक्ष पदाची निवडणूक सोमवारी सुरळीत पार पडली. या निवडणुकीत ग्राम महाविकास आघाडीचे मनोहर बेळगावकर हे अध्यक्षपदाचे उमदवार आणि पूजा सुतार या उपाध्यक्षपदाच्या उमेदवार होत्या.
ग्रामपंचायतीचे सर्व 14 सदस्य या ग्राम महाविकासआघाडीच्या छत्राखाली एकत्र आल्यामुळे अध्यक्ष आणि उपाध्यक्षपदाची निवडणूक बिनविरोध झाली. त्यानुसार बिजगर्णी ग्रामपंचायतीचे नूतन अध्यक्ष म्हणून मनोहर बेळगावकर यांची तर उपाध्यक्ष म्हणून पूजा सुतार यांची निवड जाहीर करण्यात आली.
या पद्धतीने बिजगर्णी ग्रामपंचायतीवर ग्राम महाविकास आघाडीचा झेंडा फडकला. निकाल जाहीर होताच नूतन अध्यक्ष आणि उपाध्यक्षांचे पुष्पहार घालून अभिनंदन करण्यात आले. यावेळी फटाक्यांची आतषबाजी आणि गुलालाची उधळण करून समर्थकांनी आनंदोत्सव साजरा केला.
