Friday, May 24, 2024

/

या शाळेत कोरोनाचा उद्रेक : 80 विद्यार्थी बाधित

 belgaum

कित्तूर येथील कित्तूर राणी चन्नम्मा निवासी सैनिक शाळेमध्ये कोरोना संसर्गाचा उद्रेक झाला असून शाळेच्या 10 कर्मचाऱ्यांसह तब्बल 80 विद्यार्थ्यांना कोरोनाची लागण झाल्याचे उघडकीस आल्यामुळे एकच खळबळ उडाली आहे.

कित्तूर येथील कित्तूर राणी चन्नम्मा निवासी सैनिक शाळेतील कांही विद्यार्थ्यांमध्ये ताप, सर्दी, खोकला यांची लक्षणे दिसून आल्यामुळे त्यांची वैद्यकीय तपासणी केली असता प्रारंभी 12 विद्यार्थिनींना कोरोनाचा संसर्ग झाल्याचे आढळून आले. त्यामुळे त्यांच्या प्राथमिक संपर्कात आलेल्या सर्व विद्यार्थ्यांची तपासणी करण्यात आली असता 68 विद्यार्थी कोरोना पॉझिटिव्ह असल्याचे निष्पन्न झाले आहे. याव्यतिरिक्त इतरही कांही विद्यार्थ्यांना संसर्ग झाल्याचे समजते.

कित्तूर राणी चन्नम्मा निवासी सैनिक शाळेतील 15 ते 18 वर्षे वयोगटातील 12 अधिक 68 अशा एकूण 80 विद्यार्थ्यांना कोरोनाची लागण झाली आहे.

 belgaum

दोन दिवसांपूर्वी करण्यात आलेल्या रॅपिड एंटीजन टेस्टमध्ये 12 विद्यार्थ्यांना कोरोनाची लागण झाल्याचे निदान झाले होते. त्यानंतर आज सोमवारी आणखी 68 विद्यार्थ्यांना कोरोनाची लागण झाल्याचे उघडकीस आले आहे.

एकंदर 700 हून अधिक विद्यार्थी असलेल्या या निवासी शाळेत कोरोनाचा उद्रेक झाला आहे. मात्र इतक्या प्रमाणात कोरोना बाधित विद्यार्थी आढळून आले असताना देखील सदर शाळा आणि वसतिगृह सील करण्याकडे दुर्लक्ष करण्यात आले आहे. कर्नाटक, महाराष्ट्र, उत्तर प्रदेशसह इतर राज्यातील विद्यार्थी या ठिकाणी वास्तव्यास आहेत.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.