मध्यप्रदेश येथील उज्जैन मंदिरात तोतया हिंदू बनल्याप्रकरणी बेळगावच्या मुस्लिम व्यक्तीस अटक करण्यात आली आहे. मुहम्मद युनूस मुल्ला असे आरोपीचे नाव असून तो कर्नाटकातील बेळगावचा आहे, मंगळवारी त्याच्या मित्रासोबत एका हिंदू महिलेला घेऊन तो उज्जैनला गेला होता, असे पोलिसांनी सांगितले.
मध्य प्रदेशातील उज्जैन येथील महाकालेश्वर मंदिरात प्रवेश करण्यासाठी आपण हिंदू असल्याची तोतयागिरी केल्याच्या आरोपाखाली त्या ३२ वर्षीय मुस्लिम व्यक्तीला बुधवारी अटक करण्यात आली, असे पोलिसांनी सांगितले.
मुहम्मद युनूस मुल्ला असे आरोपीचे नाव असून तो मूळचा कर्नाटकातील बेळगावचा आहे.मंगळवारी एका हिंदू महिलेसोबत उज्जैनला गेला होता.
“बुधवारी सकाळी युनूस आणि त्याचा मित्र भस्म आरतीला गेले. युनूस पुढच्या रांगेत बसला होता आणि त्याला विधी पाळता येत नव्हते. मंदिर व्यवस्थापनातील काही लोकांना संशय आला आणि त्यांनी त्याचे ओळखपत्र विचारले तेव्हा त्याने अभिषेक दुबे असे नाव असलेले आधार कार्ड दाखवले. मात्र, मंदिर व्यवस्थापनाने त्याची अधिक चौकशी केल्यानंतर त्याने आपले खरे ओळखपत्र दाखवले. त्यांनी त्याला महाकाल पोलिस स्टेशनकडे सुपूर्द केले,असे उज्जैनच्या शहर पोलिस अधीक्षक पल्लवी शुक्ला यांनी सांगितले.
शुक्ला म्हणाले, “युनूस आणि त्याच्या मित्राने हॉटेलमध्ये खोली घेण्यासाठी त्यांचे खरे आधार कार्ड दाखवले, परंतु हॉटेल व्यवस्थापनाने त्यांना खोली देण्यास नकार दिला आणि पोलिसांना कळवले.”मात्र पोलिसांनी कारवाई केली नव्हती,मात्र तो आता कचाट्यात अडकला आहे.
