बेळगाव तालुक्यातील बडाल अंकलगी येथे पावसामुळे घराची भिंत कोसळून सात जण दगावल्याच्या घटनेची दखल थेट पंतप्रधान नरेंद्र मोदी यांनी घेतली आहे.
मुख्यमंत्री बसवराज बोम्माई यांनी मृतांच्या कुटुंबीयांना प्रत्येकी पाच लाख रुपये देण्याची घोषणा केल्यानंतर आता पंतप्रधानांनी प्रत्येक मृताला दोन लाख रुपये पंतप्रधान राष्ट्रीय रिलीफ फंडातून देण्याची घोषणा केली आहे.
बेळगाव कर्नाटक मध्ये झालेली घटना अतिशय क्लेशदायक असून या घटनेमुळे अतिशय दुःख झाले आहे. त्यामुळे ही रिलीफ निधी आपण देत असल्याचे स्वतः पंतप्रधान नरेंद्र मोदी यांनी ट्विट करून जाहीर केले आहे.
एकाच कुटुंबातील सहा जण आणि समोरच्या घरातील एक लहान मुलगी या पद्धतीने एकूण सात जण या घटनेत दगावले. या घटनेने हळहळ व्यक्त होत आहे. राज्यपातळीवर मुख्यमंत्र्यांनी सहाय्यता निधी दिला आणि सांत्वन केले असले तरी थेट पंतप्रधानांनी या घटनेची दखल घेतली आहे.
The loss of lives due to a house collapse in Belagavi, Karnataka is saddening. My thoughts are with the bereaved kin in this hour of sadness. An ex-gratia of Rs. 2 lakh each from PMNRF would be paid to the next of kin of the deceased: PM @narendramodi
— PMO India (@PMOIndia) October 7, 2021