गुलमोहर बाग बेळगावातील कलाकारांचा एक समूह “व्हॅक्सिन डेपोची झलक” या शीर्षकाखाली व्हॅक्सिन डेपोच्या लँडस्केप चित्रांचे प्रदर्शन आयोजित करत आहे.
व्हॅक्सिन डेपोचे सौंदर्य आणि ते जतन करण्याचे महत्त्व अधोरेखित करण्यासाठी हा शो संकल्पित आहे. विकासाच्या नावाखाली झाडांची होत असलेली कत्तल ही अधिक चिंतेची बाब आहे. व्हॅक्सिन डेपो, शहरासाठी फुफ्फुस असण्याव्यतिरिक्त अनेक कलाकारांना रंगविण्यासाठी आणि निसर्गावरील प्रेम व्यक्त करण्यासाठी एक अद्भुत प्रेरणा आहे, म्हणूनच या शहराचे कलाकार असल्याने या समूहाने त्यांच्या स्वतःच्या सर्जनशील मार्गाने या डेपोतील सौन्दर्य हायलाइट करण्यासाठी नैतिकदृष्ट्या आपणच जबाबदार आहोत असे वाटले.
गटाचे 22 सदस्य – अजित हुलमनी, चंद्रकला करगावकर, चंद्रशेखर रांगणेकर, हिमांगी प्रभू, अजित औरवाडकर, जोती शरद, महेश होनुले, कीर्थिलाथा गणचारी, नंदा पाटील, निश्चिता मालजी, पूजा फडके, प्रशांत भिसुरे, प्रवीणकुमार अंगडी, रोहितराज पावटे , सचिन उपाध्ये, शिल्पा खडकभावी, शिरीष देशपांडे, शिवाजी बेकवाडकर, सुषमा पाटणेकर, सुशील तरबार आणि वृषाली मराठे या शोमध्ये त्यांची व्हॅक्सिन डेपो संदर्भातील चित्रे प्रदर्शित करणार आहेत. 50 हून अधिक कलाकृती प्रदर्शनात असतील.
बेळगावातील सर्व कलाप्रेमी व्यक्तींना विनंती करण्यात आली आहे की व्हॅक्सिन डेपोच्या लँडस्केप्सच्या सौंदर्याचा आनंद आणि कौतुक करण्यासाठी प्रदर्शनाला भेट द्या.
हे प्रदर्शन शनिवार 16 ते बुधवार 20 ऑक्टोबर 2021, सकाळी 11 ते संध्याकाळी 7 पर्यंत वरेरकर नाट्य संघाच्या कलामहर्षी के.बी.कुलकर्णी दालन येथे होणार आहे.
