मुख्यमंत्री बसवराज बोंम्मई यांच्या मंत्रिमंडळातून बेळगावातील मागील मंत्रिमंडळातील चार पैकी दोघांना संधी तर दोघांना डच्चू मिळाला आहे.
माजी मंत्री उमेश कत्ती आणि शशिकला जोल्ले यांना मंत्रिमंडळात स्थान मिळाले आहे तर श्रीमंत पाटील आणि माजी उपमुख्यमंत्री लक्ष्मण सवदी यांना डच्चू मिळाला आहे.बुधवारी दुपारी या मंत्र्यांचा शपथविधी होणार आहे.
माजी उपमुख्यमंत्री व परिवहन मंत्री लक्ष्मण सवदी आणि श्रीमंत पाटील यांना मात्र मंत्रिमंडळातून डावलुन हातात नारळ देण्यात आला आहे. नव्या मंत्रिमंडळात बेळगाव जिल्ह्यातील मागील मंत्रिमंडळातील दोघांना संधी आणि दोघांना डच्चू देण्यात आला आहे.
एकंदर बेळगावातील दोघांचे मंत्रीपद निश्चित झाले असून आज सायंकाळी हे दोघे मंत्री पदाची शपथ घेणार आहेत. निपाणीच्या आमदार शशिकला जोल्ले यांचे घोटाळा प्रकरण सध्या गाजत आहे. त्यामुळे त्या आपल्या पदाचा राजीनामा देणार त्यांना मंत्रिपद मिळणार नाही अशी चर्चा सुरू सुरू होती. मात्र अखेर त्यांचा राजीनामा फेटाळून शेवटच्या क्षणी त्यांना मंत्रिमंडळात स्थान देण्यात आले आहे.
माजी मंत्री सवदी आणि श्रीमंत पाटील यांच्या व्यतिरिक्त सौंदत्तीचे चार वेळा आमदार झालेले लिंगायत समाजाचे आमदार आनंद मामणी यांनाही मंत्रिपद नाकारण्यात आले आहे. मंत्रिपद नाकारण्यात आल्यामुळे मामणी प्रचंड नाराज झाले असून त्यांनी आपला उपसभापती पदाचा राजीनामा दिला आहे. फक्त राजीनामा देऊन गप्प न बसता आमदार आनंद मामनी यांनी मंत्रिमंडळात आपल्याला स्थान देण्यात आले नसल्यामुळे आपण उपसभापती पदाचा राजीनामा देत असल्याचे जाहीर केले आहे. एकंदर नव्या मंत्रिमंडळाच्या रचनेबद्दल बेळगाव जिल्ह्यातून प्रचंड नाराजी व्यक्त होत आहे.
सूत्रांनी दिलेल्या माहितीनुसार खालील मंत्र्यांना हाय कमांड कडून फोन आला आहे ते शपथ घेणार आहेत.
गोविंद कारजोळ, बी सी पाटील, के एस ईश्वराप्पा,बी श्रीरामलू ,एस अंगार,भैरत्ती बसवराज, उमेश कत्ती, शशिकला जोल्ले,डी सुधाकर,अरविंद लिंबावळी,आनंद सिंह,व्ही सोमन्ना,एस टी सोमशेखर,मनीरत्नम,के गोपालय्या, सुनील कुमार,प्रभू चव्हाण,शंकर पाटील, मुरगेश निराणी,सतीश रेड्डी,अश्वथ नारायण,एम टी बी नागराज