कर्नाटक राज्याच्या नेतृत्व बदलासंदर्भात कोणतीही चर्चा झालेले नाही याबाबतीत मी निर्णय घेऊ शकत नाही जो काही निर्णय आहे तो हायकमांड घेईल, असे मत बेळगाव उत्तरचे आमदार ॲड. अनिल बेनके यांनी व्यक्त केले.
मुख्यमंत्रिपदावरून येडीयुराप्पा पायउतार होणार असल्याचे स्पष्ट करणाऱ्या भाजप प्रदेशाध्यक्ष नलिनकुमार कटील ज्यांच्या व्हिडिओ संदर्भात पत्रकारांनी विचारलेल्या प्रश्नाला उत्तर देताना बेळगाव येथे आज सोमवारी सकाळी आमदार ॲड. अनिल बेनके म्हणाले की, मला याबाबत कोणतीच माहिती नाही. सध्या मुख्यमंत्रीपदात बदल होणार नसल्याचे दिल्ली दौरा करून आलेल्या मुख्यमंत्री बी. एस. येडीयुरप्पा यांनी स्पष्ट केले आहे.
मी राजकारणात नवीन आहे. यासंदर्भात कांही विचारणा करायची असेल तर हायकमांडकडे विचारणा करा. मी सध्या बेळगावात असून याठिकाणी मुख्यमंत्री बदलण्याबाबतीत कोणतीही चर्चा झालेली नाही.
यासंदर्भात माझ्याशी कोणी संपर्क साधलेला नाही. बेंगलोरमध्ये मुख्यमंत्री येडीयुरप्पा यांच्याबद्दल नलिनकुमार कटील काय म्हणाले मला माहीत नाही, अजून तरी मला कोणाचाही फोन आलेला नाही, असेही आमदार बेनके यांनी स्पष्ट केले.
