गांजा विक्रेत्यावर धाड; दीड लाखाचा ऐवज जप्त -बेळगाव शहर पोलीस आयुक्त विभागाच्या सीसीबी विभागाचे पोलीस इन्स्पेक्टर निंगनगौड पाटील आणि त्यांच्या पथकाने वरिष्ठ पोलीस अधिकाऱ्यांच्या मार्गदर्शनाखाली गांजा तस्करी करणाऱ्या आरोपींवर धाड टाकली आहे.
महाराष्ट्रातून बेळगावला सदर गांजाची तस्करी करण्यात येत होती. सदर प्रकरणातील शब्बीर इब्राहिम पठाण (वय 33, रा. मिरज) असे अटक करण्यात आलेल्या आरोपीचे नाव आहे.
धर्मनाथ सर्कल जवळ ही कारवाई करण्यात आली असून अटक करण्यात आलेल्या आरोपीजवळील एकूण 5 किलो 400 ग्राम वजनाची अंदाजे दीड लाख रुपये किंमतीची गांजा पाकिटे आणि एक स्पोर्ट्स बाईक जप्त केली आहे.
सीईएन पोलीस स्थानकात सदर प्रकरण दाखल करण्यात आले असून या कारवाईचे पोलीस आयुक्त आणि पोलीस उपयुक्तांनी कौतुक केले आहे.
