Thursday, March 28, 2024

/

पुनश्च सुरू होणार तिरूपती -कोल्हापूर -तिरुपती एक्सप्रेस स्पेशल रेल्वे

 belgaum

तिरुपती -श्री छत्रपती शाहू महाराज टर्मिनस कोल्हापूर -तिरुपती एक्सप्रेस स्पेशल (क्र. 07415 /07416) ही रेल्वेसेवा पुनश्च सुरू करण्याचा निर्णय घेण्यात आला आहे. त्यानुसार तिरुपती येथून 1 फेब्रुवारी आणि कोल्हापूर येथून 3 फेब्रुवारी 2021 रोजी या रेल्वे सेवेला प्रारंभ होणार आहे.

सदर तिरूपती -कोल्हापूर -तिरुपती एक्सप्रेस स्पेशल रेल्वेचे वेळापत्रक पुढील प्रमाणे आहे. रेल्वे क्र. 07415 तिरुपती -श्री छत्रपती शाहू महाराज टर्मिनस कोल्हापूर -तिरुपती एक्सप्रेस स्पेशल दररोज रात्री 9:45 वाजता तिरुपतीहून प्रस्थान करेल आणि दुसऱ्या दिवशी सायंकाळी 4:45 वाजता कोल्हापूरला पोहोचेल. ही रेल्वेसेवा येत्या 1 फेब्रुवारी 2021 पासून प्रारंभ होऊन पुढील आदेश येईपर्यंत सुरू राहणार आहे. तिरुपती येथून रात्री सुटणारी ही रेल्वे लोंढेला दुसऱ्या दिवशी सकाळी 11:27 वाजता आणि खानापूरला सकाळी 11:56 वाजता पोहोचेल. त्यानंतर या रेल्वेचे बेळगाव रेल्वे स्थानकावर दुपारी 12:21 वाजता आगमन होऊन 12:26 वाजता प्रस्थान होईल.

परतीची रेल्वे क्र. 07416 श्री छत्रपती शाहू महाराज टर्मिनस कोल्हापूर येथून सकाळी 11:40 वाजता प्रस्थान करेल आणि दुसर्‍या दिवशी सकाळी 8 वाजता तिरुपतीला पोहोचेल. ही रेल्वेसेवा येत्या 3 फेब्रुवारी 2021 पासून प्रारंभ होऊन पुढील आदेश येईपर्यंत सुरू राहणार आहे. कोल्हापूरहुन निघालेल्या या रेल्वेचे बेळगाव रेल्वे स्थानकावर दुपारी 3:40 वाजता आगमन आणि 3:45 वाजता प्रस्थान होईल. ही रेल्वे पुढे खानापूरला 4:02 आणि लोंढ्याला 4.22 वाजता पोहोचेल. सदर रेल्वेगाडीला 21 कोच (डबे) जोडलेले असतील. यामध्ये 5 वातानुकूलित डब्यांसह 12 सेकंड क्लास स्लीपर कोचेस, दोन जनरल सेकंड क्लास कोचेस आणि दोन सेकंड क्लास लगेज कम ब्रेकव्हॅन्स यांचा समावेश असेल.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.