बेळगाव परिसरातील स्टेशन रोडवरील दोघांवर हल्ला करणाऱ्या तिघांना खडेबाजार पोलिसांनी अटक केली आहे. अटक करण्यात आलेल्या आरोपींकडून एक कार, एक बाईक आणि दोन शस्त्रास्त्रे जप्त करण्यात आली आहेत.
अटक करण्यात आलेल्या आरोपींमध्ये चव्हाट गल्ली येथील प्रफुल बाळकृष्ण पाटील, समर्थ नगर येथील रोहित रेणके, नानावाडी येथील सागर इलियास, शैलेश जानगवळी यांचा समावेश आहे. किरकोळ कारणातून निलेश काकतकर, शंकर भजंत्री यांच्यावर हल्ला करण्यात आला आहे. 
खडेबाजार पोलिसांनी केलेल्या या कारवाईत अटक करण्यात आलेल्या आरोपींकडून एक दुचाकी, एक चारचाकी, आणि दोन तलवारी असे साहित्य जप्त करण्यात आले आहे.
खडेबाजार पोलीस ठाण्याचे एसीपी चंद्रप्पा, सीपीआय धीरज शिंदे, पोलीस कॉन्स्टेबल शिंदे, उज्जनकोप्प आणि इतर सहकाऱ्यांच्या पथकाने ही कारवाई केली असून खडेबाजार पोलिसांनी केल्याप्रकरणीही गुन्हा दाखल करण्यात आला आहे. आरोपींकडून पुढील चौकशी करण्यात येत आहे.
