बेळगाव जिल्ह्यात दोन टप्प्यात ग्रामपंचायत निवडणूक त्यामुळे जिल्ह्यातील तहसीलदार कार्यालय आता रात्री उशिरापर्यंत सुरू आहेत. बेळगावात असणारे तहसीलदार कार्यालय देखील रात्री उशिरा सुरू असून अर्जांची छाननी व इतर कामे करण्यात अधिकारीवर्ग मग्न झाले आहेत.
त्यामुळे तहसीलदार कार्यालयातील अधिकारी आता कामात गुंतल्याचे दिसून येत आहे. दिनांक 22 डिसेंबर रोजी पहिल्या टप्प्यातील मतदान होणार आहे तर दुसऱ्या टप्प्यातील मतदान 27 रोजी होणार आहे. 30 डिसेंबर रोजी मतमोजणी होणार आहे. त्यामुळे सध्या अनेक कार्यालय गजबजली आहेत. निवडणुकीच्या धामधुमीत अधिकारीही कामात गुंतले आहेत.
त्यामुळे अनेक कार्यालय रात्री उशिरापर्यंत सुरू असल्याचे चित्र बेळगाव शहरात दिसून येत आहे. विशेष करून तहसीलदार कार्यालय जिल्हाधिकारी कार्यालय आणि तालुका पंचायत कार्यालयात मोठ्या प्रमाणात कामांचा बोजा वाढला आहे. त्यामुळेच रात्री उशिरापर्यंत अनेक कार्यालय सुरू असल्याचे चित्र दिसून येत आहे.
निवडणुकीच्या पार्श्वभूमीवर आचारसंहिता भंग होऊ नये आणि कोणताही अनुचित प्रकार घडू नये यासाठी अधिकारीही सज्ज झाले आहेत. दरम्यान रात्री उशिरापर्यंत कार्यालयात सुरू ठेवून नागरिकांची कामे करून देण्यासाठी धडपड सुरू आहे.
तहसीलदार कार्यालयाची मोठ्या प्रमाणात कामाचा लोड वाढला असून रात्री अकरा ते बारा वाजेपर्यंत हे कार्यालय सुरू असल्याचे चित्र दिसून येत आहे. त्यामुळे निवडणूक कधी एकदा संपते रे बाबा अपेक्षा अधिकारी राहिल्याचे दिसून येत आहे.
