गोकाक ग्रामीण पोलीस ठाण्याच्या व्याप्तीतील ममदापूर क्रॉसपासून ५०० मीटर अंतरावर असलेल्या अज्जनकट्टी गावाच्या हद्दीतील पेट्रोल पंप समोर टाटा सुक्रो (वाहन क्रमांक केए. २४, ए. २०८८) या मालवाहू गाडीचा आणि कार (वाहन क्रमांक एमएच ४, एक्यू ०७७१) या वाहनांचा भीषण अपघात झाला आहे.
हा अपघात रविवार दिनांक १५ नोव्हेंबर रोजी दुपारी २.४५ च्या आसपास झाला असून या अपघातात कारमधील चौघांचा जागीच मृत्यू झाला आहे. हे चारही जण एकाच कुटुंबातील असल्याची माहिती मिळाली आहे.
तर अन्य तिघेजण गंभीर जखमी झाले आहेत. हणमंत फकीराप्पा परकनट्टी (वय २८), मालव्वा हणमंत परकनट्टी (वय २५), सिद्दप्पा पकीरप्पा परकनट्टी (वय ५०), कीर्ती हणमंत परकनट्टी (वय ६) अशी अपघातातील मृतांची नावे आहेत.
