दुचाकीने कारला पाठीमागून ठोकर दिल्याने दुचाकीस्वार युवक रस्त्याच्या मधोमध पडला त्याला मालवाहू ट्रकने चिरडल्याने झालेल्या अपघातात एक युवक ठार तर एक जण गंभीर जखमी झाल्याची घटना बेळगाव गोकाक रोडवर चंदगड(अष्टे) जवळ घडली आहे.
शनिवारी सायंकाळी साडे सहाच्या दरम्यान हा अपघात घडला आहे.जोतिबा कृष्णा पाटील वय 22 रा. खनगाव खुर्द बेळगाव असे या अपघातात मयत झालेल्या युवकाचे नाव आहे तर वैभव अनंत नागनगौडा वय 21 रा.खनगाव खुर्द हा गंभीररीत्या जखमी झाला आहे.जखमींवर शहरातील इस्पितळात उपचार सुरू आहेत.
घटनास्थळा वरून मिळालेल्या माहितीनुसार जोतिबा आणि वैभव दोघेही बेळगावहुन खनगाव कडे दुचाकी वरून जात असताना जोतिबाच्या ट्रकने चिरडले यात जोतिबा याचा घटनास्थळी अंत झाला तर वैभव गंभीर जखमी झाला आहे.
मारिहाळ पोलिसांत घटनेची नोंद झाली असून पोलीस अधिक तपास करत आहेत.
