कोरोना प्रादुर्भावामुळे मास्क सक्ती करण्यात आली असून बाजारात मास्कचे दर देखील वाढले आहेत.
या पद्धतीने मास्क महाग झाले म्हणून की काय, चोरट्यांनी मेडिकल शॉप फोडून चक्क मास्कची चोरी केल्याची घटना जिल्ह्यामध्ये घडली आहे.
जिल्ह्यातील हुक्केरी तालुक्यातील इनामहोंगल गावामध्ये उपरोक्त चोरीची घटना घडली. या गावातील एका मेडीकल शॉपचे छत फोडून आत प्रवेश केलेल्या चोरट्यांनी दुकानातील सर्व मास्क लंपास केले.
त्याचप्रमाणे दुकानाच्या गल्ल्यातील 6000 रुपये खिशात टाकायला ते विसरले नाहीत. याप्रकरणी पोलिसात गुन्हा नोंद झाला असून पोलीस फरारी चोरट्यांचा शोध घेत आहेत.