बेळगाव येथील खंजर गल्ली येथे गांजा विकणाऱ्या दोघांना मार्केट पोलिसांनी सोमवारी अटक केली. त्यांच्याजवळ 620 ग्रॅम गांजा जप्त करण्यात आला आहे. या कारवाईमुळे गांजा विकणाऱ्यामध्ये एकच खळबळ माजली आहे.
सलीम कमृद्दिन सौदागर वय 46 राहणार बागवान गल्ली, इनायत शब्बीर धारवाडकर वय 21 राहणार काकर गल्ली अशी त्यांची अटक करण्यात आलेल्यांची नावे आहेत. खंजर गल्ली येथे गांजा विक्री करण्यात येत असल्याची माहिती मिळताच अचानक छापा टाकून त्यांना ताब्यात घेण्यात आले. त्यांच्या कडून झडती घेतली असता 620 ग्रम गांजा आढळून आला.
या दोघांची सिव्हील हॉस्पिटलमध्ये वैद्यकीय तपासणी करून त्यांना न्यायालयासमोर हजर करण्यात आले आहे. मार्केटचे एसीपी सदाशिव कट्टीमनी यांच्या मार्गदर्शनाखाली पोलिस निरीक्षक संगमेश शिवयोगी, उपनिरीक्षक विठ्ठल हावनावर, एस बी खानापुरे, एल एस कडोलकर, यांनी एन वाय मौलाके, अशिर जमादार, मारुती चावडी, व्ही एस मालगी व त्यांच्या सहकाऱ्यांनी या कारवाईत भाग घेतला होता.
खंजर गल्ली येथे गांजा विकत असल्याने ही कारवाई करण्यात आली आहे. न्यायालयाच्या आदेशावरून या दोघांची रवानगी हिंडलगा येथील मध्यवर्ती कारागृहात करण्यात आली आहे.
