राज्यात गेल्या 24 तासात नव्याने आणखी 6,259 कोरोनाग्रस्त रुग्ण आढळून आल्यामुळे कर्नाटक राज्य आरोग्य आणि कुटुंब कल्याण खात्याने जाहीर केलेल्या कोरोना वैद्यकीय प्रसिद्धी पत्रकानुसार मंगळवार दि. 4 ऑगस्ट 2020 रोजी सायंकाळी 5 वाजेपर्यंत राज्यातील कोरोनाबाधितांची एकूण संख्या 1,45,830 इतकी झाली आहे. त्याचप्रमाणे नव्याने आढळलेल्या 3,944 रूग्णांसह बेळगाव जिल्ह्याची 4 हजार रुग्णसंख्येच्या दिशेने वाटचाल सुरू आहे.
राज्याच्या आरोग्य आणि कुटुंब कल्याण खात्याने जाहीर केलेल्या कोरोना वैद्यकीय प्रसिद्धी पत्रकानुसार सोमवार दि. 3 ऑगस्ट रोजी सायंकाळी 5 वाजल्यापासून आज मंगळवार दि. 4 ऑगस्ट 2020 रोजी सायंकाळी 5 वाजेपर्यंत राज्यात आणखी 6,259 कोरोनाग्रस्त रुग्ण आढळल्यामुळे राज्यातील कोरोनाबाधितांची एकूण संख्या 1 लाख 45 हजार 830 इतकी झाली आहे. राज्यात ॲक्टिव्ह केसेस 73,846 असून यापैकी 634 जणांवर अतिदक्षता विभागात उपचार सुरू आहेत. राज्यभरात आज मंगळवारी 6,777 जणांना डिस्चार्ज देण्यात आल्यामुळे हॉस्पिटलमधून डिस्चार्ज देण्यात आलेल्यांची एकूण संख्या 69,272 इतकी झाली आहे. काल सायंकाळपासून आज दिवसभरात कोरोनामुळे आणखी 110 जणांचा मृत्यू झाल्याने राज्यातील मृतांची संख्या 2,704 झाली असून यापैकी 8 जणांच्या मृत्यूचे कारण नॉन – कोव्हीड आहे.
कर्नाटकातील कोरोनाग्रस्त जिल्ह्यांची संख्या एकूण 30 असून गेल्या 24 तासात या सर्व जिल्ह्यांमध्ये कोरोनाबाधित रुग्ण आढळले आहेत. यापैकी आज सर्वाधिक रुग्ण सापडलेल्या पहिल्या पांच क्रमांकाच्या जिल्ह्यांमध्ये अनुक्रमे सापडलेले रुग्ण आणि एकूण रुग्ण संख्या पुढीलप्रमाणे आहे. बेंगलोर शहर (आज 2035 रुग्ण – एकूण रुग्ण 63033), म्हैसूर (662-5854), कलबुर्गी (285-6222), बेळ्ळारी (284-7638), आणि बेळगांव (263-3944).
राज्यातील प्रत्येक जिल्ह्यांमध्ये अतिदक्षता विभागात (आयसीयू) उपचार सुरू असलेल्या रुग्णांची संख्या पुढील प्रमाणे आहे. बेंगलोर शहर 322 रुग्ण, हासन 41, धारवाड 40, कलबुर्गी 27, बळ्ळारी 23, कोप्पळ 20, मंड्या 19, रायचूर 17, गदग 15, चित्रदुर्ग 12, म्हैसूर 12, तुमकुर 12, बिदर 11, दावणगिरी 10, बेळगाव 9, हावेरी 7, शिमोगा 7, मंगळूर 5, चामराजनगर 5, चिक्कबेळ्ळापूर 5, उडपी 5, बागलकोट 4, चिक्कमंगळूर 2, कोडगु 2, कारवार 1 आणि विजयपुरा 1 रुग्ण.
