रयत गल्लीतील घरगूती देखावे रद्द कोरोना महामारीमुळे यंदा सर्व सण, समारंभावर निर्बंध घालण्यात आले असून प्रत्येकाच्या मनात भितीचे वातावरण निर्माण झाले आहे.
यंदाच्या गणेशोत्सवावरही याचे सावट आहे. या पार्श्वभूमीवर रयत गल्ली वडगाव येथील घरगुती गणेश देखावेही रद्द करण्यात आले आहेत.
गेल्या अनेक वर्षापासून रयत गल्ली वडगावमधे अनेक घरात गणेशोत्सवात आकर्षक आणि समाजप्रबोधनात्मक असे घरगूती देखावे सादर करण्यात येतात. हे देखावे पाहण्यासाठी बेळगाव परिसर तसेच ग्रामीण भागासह संपूर्ण कर्नाटक, महाराष्ट्र,गोवा,सिंधुदुर्ग, आंध्रप्रदेश,तमीळनाडूतीलही कांही भक्त आरास पाहण्यास येतात.
अकरा दिवसात रोज हजारो भाविक येथे दर्शन आणि देखावे पाहण्यासाठी येतात. अनेक घरांसमोर देखावे पाहण्यासाठी रांग लागते. मात्र यावर्षी कोरोनाच्या पार्श्वभूमीवर सार्वजनिक मंडळांसहित घरगुती गणेशोत्सवहि साधेपणात करण्याचे नागरिकांनी ठरविले आहे.
