कंटेन्मेंट झोनमधील हॉटेल बंद राहतील.कंटेन्मेंट झोन वगळून अन्य भागातील हॉटेल उघडता येतील सोमवार 8 जून पासून याची सुरुवात होणार आहे. 22 मार्च नंतर तब्बल 72 दिवसांनी बेळगावातील हॉटेल्स सुरू होणार आहेत.
असे असणार आहेत नियम
65 वर्षावरील व्यक्ती,दहा वर्षाखालील मुले आणि गर्भवती महिला यांनी घरी राहणे आवश्यक.किमान सहा फूट सोशल डिस्टनसिंग पाळणे आवश्यक.मास्कचा वापर बंधनकारक आहे.साबणाने किंवा सॅनिटायझरने ठराविक वेळे नंतर हात धुवून घ्यावे.थुंकण्यावर बंदी आहे.
हॉटेल मध्ये बसून खाण्यास देण्या ऐवजी पार्सल देण्यास प्राधान्य द्यावे.कर्मचाऱ्याने पार्सल ग्राहकाच्या हातात देऊ नये.होम डिलिव्हरी द्यायला जाणाऱ्या कर्मचाऱ्याचे थर्मल स्क्रीनिग करणे आवश्यक आहे.हॉटेलच्या प्रवेशद्वारात सॅनिटायझर ठेवावे,हॉटेलात येणाऱ्यांची थर्मल तपासणी करावी.रोगाची लक्षणे नसणारे कर्मचारी आणि ग्राहक यांनाच प्रवेश द्यावा.ग्राहकांना प्रतिक्षेसाठी आसन व्यवस्था करावी.
कोविड 19 ची माहिती देणारी पत्रके भिंतीवर लावावीत.व्हॅलेंट पार्किंग असेल तर कर्मचारी मास्क घालून असावा.कारचे हँडल ,चाव्या आणि अन्य भागाचे निर्जंतुकीकरण करावे.एक ग्राहक टेबलवरून उठून गेल्यावर टेबलचे निर्जंतुकीकरण करणे आवश्यक आहे.
हॉटेल मध्ये बसणाऱ्या ग्राहकांमध्ये सोशल डिस्टनसिंग राखणे गरजेचे आहे.स्वच्छतागृहांची नियमित साफसफाई करावी. लिफ्टमध्ये अधिक व्यक्तींची एका वेळी ने आण करू नये.हॉटेलात ग्राहकांची गर्दी होणार नाही याची काळजी घ्यावी.ऑर्डर,पैसे घेणे आदी व्यवहार ऑनलाइन करण्यावर भर द्यावा.
