राज्यात वाढ; बेळगावला तात्पुरता दिलासा…42

बेळगाव जिल्ह्यात कोरोना बाधितांची संख्या वाढतच चालली होती. मात्र मागील दोन दिवसापासून जिल्ह्यात कोरोना बाधितांची संख्या स्थिर असल्याने दिलासा मिळाला आहे. मात्र राज्यात ही संख्या वाढतच चालली आहे. त्यामुळे राज्यात वाढ तर बेळगावला तात्पुरता दिलासा मिळाला आहे.

कोरोनामुळे बेळगाव शहर तसेच जिल्ह्यात धास्ती वाढली होती. मागील आठवड्याभरात बेळगावातील संख्या 42 वर जाऊन पोहोचली होती. तालुक्यातही रुग्ण आढळल्याने खळबळ माजली होती. मात्र मागील दोन दिवसापासून कोरोना बाधितांची संख्या स्थिर असल्याने बेळगावकरांना तात्पुरता दिलासा मिळाला आहे. ही संख्या वाढू नये यासाठी आरोग्य खाते कसोशीने प्रयत्न करत आहेत.

बेळगाव येथील कोरोना बाधितांची संख्या स्थिर असली तरी राज्यातील रुग्णांचा आकडा 408 वर जाऊन पोचला आहे. त्यामुळे राज्यात अजूनही लॉक डाऊन परिस्थिती कायम ठेवण्यात आली आहे. बेळगावातील काही भाग रेड झोन मध्ये आहे. त्यामुळे सोमवारी प्रयोगशाळेकडे पाठविण्यात आलेल्याचा अहवाल आल्यानंतरच पुन्हा चित्र स्पष्ट होणार आहे.रविवारी प्रयोग शाळेत पाठवलेले 50 नमुने निगेटिव्ह आले आहेत.

बेळगाव तालुक्यातील 80 वर्षीय वृद्धेचा कोरोना लागण झाल्यामुळे मृत्यू झाला आहे. यामुळे खळबळ माजली होती. आता मागील दोन दिवसांपासून एकही रुग्ण पॉझिटिव्ह न आढळल्याने समाधान व्यक्त करण्यात येत आहे आणि आरोग्य खात्याला ही काहीसा दिलासा मिळाला आहे. मात्र लॉक डाऊन परिस्थिती जैसे थे ठेवण्याचा निर्णय घेण्यात आला आहे. अजूनही काही दिवस कडेकोट पोलीस बंदोबस्त ठेवण्यात येणार आहे. ही संख्या वाढू नये यासाठी आरोग्य खाते व पोलिस प्रशासन प्रयत्न करत आहेत. मागील दोन दिवसांपासून समाधानकारक चित्र असले तरी अजूनही काही अहवाल येणे बाकी आहे. हे अहवाल आल्यानंतरच चित्र स्पष्ट होणार आहे.

बेळगावातील कोरोना रुग्ण तपशील खालील तक्त्यात