कॅबिनेट मंत्रिपदाच्या शपथ विधीचा अखेर जय सीमा भागासह संयुक्त महाराष्ट्र! अश्या घोषणेने केलेल्या मंत्री हसन मुश्रीफ यांचे अभिनंदन बेळगाव शिवसेनेच्या पदाधिकाऱ्यांनी केलं आहे. बुधवारी सायंकाळी हसन मुश्रीफ यांच्यसह अनेक सेना तसेच राष्ट्रवादीचे बेळगावात आले असता शिवसेनेच्या पदाधिकाऱ्यांनी त्यांची भेट घेऊन हे अभिनंदन केले आहे.
उद्या कोल्हापूर जिल्हा परिषदेच्या अध्यक्ष उपाध्यक्ष निवडणूक आहे त्यासाठी अनेक जिल्हा पंचायत सदस्यांना घेऊन ते बेळगावात आले आहेत.बेळगावातील एक मोठ्या हॉटेल मध्ये शिवसेना,राष्ट्रवादी आणि काँग्रेसचे जिल्हा परिषद सदस्यांची बैठक झाली. यावेळी खासदार संजय मंडलिक,राज्य मंत्री सतेज पाटील,शिवसेनेचे संपर्क प्रमुख अरुणभाई दूधवाडकर,आमदार प्रकाश आबिटकर,आमदार राजेश पाटील उपस्थित होते.
मुश्रीफ यांनी बेळगाव सीमा प्रश्न उल्लेख करत मंत्री पदाची शपथ घेतली होती यामुळे अरविंद नागणुरी,प्रकाश शिरोळकर,दत्ता जाधव,दिलीप बैलुरकर,प्रवीण तेजम यांनी त्यांचे अभिनंदन केले आहे.
सध्या महाराष्ट्रात महा विकास आघाडीचे सरकार आहे त्यातच शिवसेने बेळगाव प्रश्नी आक्रमक भूमिका घेतली आहे जरी मुश्रीफ राष्ट्रवादीचे मंत्री असले तरी बेळगाव प्रश्नी त्यांनी दाखवलेल्या तळमळीचे कौतुक सीमा भागांत होत आहे.कोल्हापूर जिल्हा परिषद भाजप कडे आहे मात्र काँग्रेस राष्ट्रवादी आणि शिवसेने मुळे कोल्हापूर जिल्हा परिषद भाजपकडून जाण्याची शक्यता आहे उद्या होणाऱ्या निवडणुकीसाठी बैठकीला हे बेळगावात दाखल झाले होते.
