‘कुमारी स्नेहल राजेंद्र बिर्जे या रयत गल्ली वडगावच्या शेतकरी कुटुंबातील तरुणीने बँकॉक येथे झालेल्या सौंदर्य स्पर्धेत ‘वर्ल्ड सुपर मॉडेल अशिया 2019′ या पुरस्कार समवेत आणखी दोन पुरस्कार मिळवले आमच्या कॉलेजची ही विद्यार्थिनी असून तिने हा मानाचा किताब मिळवला याचा आम्हाला अभिमान वाटतो त्यासाठी तिचे हार्दिक अभिनंदन करतो’ अशा शब्दात धर्मस्थळचे धर्माधिकारी माननीय डी वीरेंद्र हेगडे यांनी कुमारी स्नेहल बिरजे हिचा गौरव केला.
कुमारी स्नेहल ही हेगडे यांच्या संस्थेच्या एसडीएम सीईटी एमबीए कॉलेज धारवाड येथे एम बी ए चे शिक्षण घेत आहे. कॉलेजने तिला या स्पर्धेत भाग घेण्यासाठी बरेच प्रोत्साहन दिले होते त्यामुळे हा पुरस्कार मिळाल्यानंतर ती जेव्हा कॉलेजमध्ये दाखल झाली त्यानंतर तेथील स्टाफ आणि कर्मचाऱ्यांच्या वतीने तिचा गौरव करण्यात आला.
हेगडे यांच्या हस्ते चांदीचे नाणे भेट देऊन गौरविण्यात आले.’ हा मानाचा किताब मिळवून स्नेहल ने कॉलेजच्या शिरपेचात मानाचा तुरा खोवला आहे असे ते म्हणाले ‘तिचा हा सन्मान करताना कॉलेजचे विद्यार्थी व स्टाफ उपस्थित होते
