बस आणि दुचाकीत आमोरा समोर झालेल्या अपघातात दुचाकीस्वार जागीच ठार झाल्याची घटना बेळगाव बागलकोट रोडवर मुतगा येथे घडली आहे.दुपारी साडे बारा वाजता हा अपघात घडला आहे.
विजय आपय्या जंगम उर्फ हिरेमठ वय 55 रा.गोजगा ता.बेळगाव असे या अपघातात ठार झालेल्या दुचाकी स्वाराचे नाव आहे.पोलिसांनी दिलेल्या माहितीनुसार विजय हे मोदग्या कडून बेळगाव शहराकडे दुचाकीवरून येत होते त्यावेळी बेळगाव सुळेभावी या सीबीटी बसने ठोकर दिली त्यात विजय यांचा घटनास्थळी मृत्यू झाला.
मुतगा बस स्थानका जवळ हा अपघात घडला असून मारिहाळ पोलिसांनी घटनास्थळी पंचनामा केला आहे.
