जी एस टी अधिकारी आहे असे भासवून एव्हीएशन संस्थेकडून पैशाची मागणी करणाऱ्या दोघा तोतया अधिकाऱ्यांना शहापूर पोलिसांनी रंगेहाथ अटक केली आहे तर एक जण फरारी झाल्याची घटना गोवावेस जवळ घडली आहे.
जयवंत बाडीवाले वय 55 रा. टीचर कॉलनी खासबाग व अशोक परशराम सावंत वय 58 रा. हनुमान नगर अशी अटक केलेल्या दोघांची नाव असून अन्य एक जण फरारी आहे. फरारी असलेला पत्रकार आहे.
शहापूर पोलिसांनी दिलेल्या माहितीनुसार तिघांनी गोवावेस सर्कल जवळील अमर एम्पायर मधील ड्रीम फ्लाय एव्हीएशन आणि हॉस्पिटॅलिटी अकादमी या संस्थेत जावून आपण जी एस टी अधिकारी आहोत असे भासवून तुम्ही जी एस टी भरला नाही त्यामुळे कार्यालय सीज करतो अशी धमकी दिली.नंतर हे प्रकरण मिटवण्यासाठी 25 हजार रुपयांची मागणी केली.
त्यावेळी एव्हीएशन संस्थेच्या कर्मचाऱ्यांना शंका आली आणि त्यांनी दोघांना पकडले तर अन्य एकटा फरारी झाला .
ड्रीम फ्लाय एव्हीएशन मॅनेजर तिरुलम सुदर्शन यांनी शहापूर पोलिसांना पाचारण केले पोलीस निरीक्षक जावेद मुशाफिरी यांनी दोघांना अटक केली आहे. शहापूर पोलीस अधिक तपास करत आहेत.
