बेळगाव रेल्वे स्टेशन जवळील गुडसशेडच्या स्थलांतराचा मुहूर्त मिळाला असून एक नोव्हेम्बर पासून गुडसशेड देसुरला स्थलांतरित करण्याचा आदेश रेल्वे खात्याने बजावला आहे.
अनेक वर्षांपासून गुडसशेड स्थलांतर करण्याचा विषय प्रलंबित होता.मध्यंतरी गुडसशेड सांबरा येथे हलविण्यात येणार अशी चर्चा होती पण अखेर देसुर येथे हलविण्याचा अंतिम आदेश बजावण्यात आला आहे.देसुर येथे यापूर्वीच ऑईल कंपन्यांचे डेपो काही वर्षांपूर्वी हलविण्यात आले आहेत.
आता गुडसशेड हलविण्यात येणार असल्यामुळे रेल्वे स्टेशनसाठी आता अधिक जागा उपलब्ध होणार आहे.त्यामुळे स्टेशनमध्ये प्रवेश करण्यासाठी आणखी एक गेट देखील होणार आहे.रेल्वे प्लॅटफॉर्म देखील आता वाढविण्यात येणार आहेत.त्यामुळे जनतेची अधिक सोय होणार आहे.
