बेळगाव लाईव्ह आयोजित सेल्फी विथ बाप्पा स्पर्धेचा पुरस्कार वितरण समारंभ नरगुंदकर भावे चौकात मान्यवर आणि गणेशभक्तांच्या उपस्थितीत भक्तिमय वातावरणात पार पडला. स्पर्धेला केवळ बेळगावच नव्हे तर फ्रान्स, अमेरिका,आखाती देशातून उस्फुर्त प्रतिसाद मिळाला.
पुरस्कार वितरण समारंभाला जिल्हा पंचायत आरोग्य आणि शिक्षण समिती अध्यक्ष रमेश गोरल,जिल्हा पंचायत सदस्या सरस्वती पाटील,मराठा बँकेचे संचालक आणि भावे चौक मंडळाचे अध्यक्ष बाळासाहेब काकतकर यांच्या उपस्थितीत पार पडला.विजेत्यांना या मान्यवरांच्या हस्ते पुरस्कार प्रदान करण्यात आले.
बेळगाव उत्तर भागात चव्हाट गल्ली गणेश मंडळाला (मूर्तीची उंची 15 फुटावरून 8 फूट अशी कमी केल्यामुळं) खडक गल्ली गणेश मंडळाला आगमन सोहळा रद्द करून आगमन सोहळ्याला येणाऱ्या खर्चाची रक्कम पूर ग्रस्तांत वितरण केली म्हणून तर भांदूर गल्ली गणेश मंडळाला गल्लीत अनेक विधायक उपक्रम राबवतआगमन सोहळ्याची रक्कम पूरग्रस्तांना मदत म्हणून दिल्या बद्दल विधायक गणेश मंडळ बक्षीस देण्यात आलं.
बेळगाव दक्षिण नानावडी गणेश मंडळाने गेल्या सहा वर्षा पासून पर्यावरण पूरक गणेश मूर्ती बनवल्या आहेत यावर्षी अक्रोड मधून आकर्षक मूर्ती बनवली आहे यासाठी तर आर पी डी कॉर्नर गणेश मंडळाला 2011 एकच फायबरची मूर्ती सथापणा केली जाते मोठी मूर्ती आणत नाहीत लहान मूर्तीची पूजा करून विसर्जित केली जाते तर बसवेश्वर चौक व्यापारी मंडळाला सर्वप्रथम लवकरात लवकर विसर्जन करतात कमी खर्चात उत्सव साजरा करतात म्हणून विधायक मंडळांचे बक्षीस देण्यात आले.
सेल्फी विथ बाप्पा बेळगाव उत्तर, दक्षिण आणि ग्रामीण अशा तीन भागात घेण्यात आली.त्यामध्ये शिशु,तरुण,गृहिणी असे गट करण्यात आले होते.याशिवाय घरगुती गणपती सजावट,विधायक गणेश मंडळे यांनाही पुरस्कार देण्यात आले.पुरस्कार वितरित केले जात असताना गणपती बाप्पा मोरयाच्या जयघोषात टाळ्यांचा कडकडाट करण्यात येत होता.
छावणी परिषदेचे साजिद शेख,भावे चौक मंडळाचे उपाध्यक्ष बाबूलाल राजपुरोहित,सचिव राजेंद्र हंडे,शिवाजी हांगीरकर, मदन बामणे,शंकर बाबली आणि अनेक मान्यवरांनी पुरस्कार वितरण समारंभाला हजेरी लावली होती.
