अज्ञातांनी घरा समोर पार्क केलेल्या तीन दुचाकी जाळल्याची घटना स्कीम नंबर 51 मधील बुडा कॉलनीत घडली आहे.रविवारी पहाटे तीन वाजता ही घटना उघडकीस आला आहे.
या बाबत समजलेल्या अधिक माहितीनुसार स्कीम नंबर 51 बुडा नक्षत्र कॉलनीत सुवर्णा मेंडके यांच्या घरा समोर रात्री पार्क केलेल्या तीन दुचाकींना आग लावण्यात आली होती.आग लागताच घरातील सर्व विद्युत पुरवठा बंद करण्यात आला त्यामुळे संभाव्य धोका टळला आहे. या आगीत तीन दुचाकींचे मिळून जवळपास दीड लाखांचे नुकसान झाले आहे.
कॅम्प पोलिसांनी दिलेल्या माहितीनुसार सुवर्णा मेंडके या नक्षत्र कॉलनी स्कीम नंबर 51 मध्ये राहतात. त्यांच्या मालकीची ऍक्टिवा भाडेकरूंची होंडा आणि डियो अशा तीन गाड्या आगीत जळून खाक झाल्या आहेत.गाड्यांना शॉर्ट सर्किट मुळें लागली अन्य कोणत्या कारणाने आग लागली अज्ञातानी जाळल्या याचा तपास पोलीस करताहेत. कॅम्प पोलिसांत फिर्याद दाखल झाली आहे.
