बेळगाव महापालिकेच्या आरक्षण आणि वार्ड पुनर रचना याचिकेची सुनावणी आणखी दोन आठवडे पुढे ढकलली आहे.शुक्रवार दि 12 जुलै रोजी धारवाड येथील कर्नाटक उच्च न्यायालयात होणारी सुनावणी होऊ शकली नाही.
कर्नाटक राज्याचे अतिरिक्त अडव्होकेट जनरल दिनेश राव हे हजर झाले नाहीत त्यामुळे प्रलंबित सुनावणी पुन्हा दोन आठ्वडे पूढे ढकलण्यात आली आहे अशी माहिती याचिकाकर्ते वकील धनराज गवळी यांनी बेळगाव live शी बोलताना दिली.या सुनावणीत वार्ड पुनररचना आरक्षण विरोधात अंतिम निकाल देण्यात येणार होता मात्र पुन्हा तारीख पुढे गेली आहे.लवकरच पुढील तारीख कळणार आहे.
सध्या सरकार अस्थिर असल्याने अतिरिक्त अडव्होकेट जनरल अनुपस्थित आहेत सदर आरक्षण विरोधी याचिकेच्या निकाला नंतर मनपा निवडणुकीचा मार्ग मोकळा होणार आहे.आगामी आगष्ट महिन्यात याबद्दल निकाल यायची शक्यता असून ऑक्टोबर मध्ये मनपा निवडणुका लागतील अशीही शक्यता आहे.
