बेळगावच्या 51 वर्षीय महिलेने एव्हरेस्ट बेस कॅम्प ट्रेक यशस्वीरीत्या सर केला आहे. अनुपा रजपूत या महिलेने ही कामगिरी केली आहे. त्या इनर व्हील क्लब च्या सदस्या असून यशस्वी गृहिणी आहेत.
एक ध्येय ठेऊन 11 मे पासून त्यांनी लुकला येथून आपल्या ट्रेक ला सुरुवात केली होती. 25 मे ला त्यांचे मिशन पूर्ण झाले. यापूर्वी त्यांनी सलग सहा महिने सराव केला होता. सकाळी 6 ते 8 किमी चालणे, सायंकाळी 30 ते 40 सूर्यनमस्कार घालून योग, प्राणायाम ध्यान व ट्रेकिंग त्या करत होत्या.
हे करूनही 2 डिग्री तापमानात गेल्यावर त्यांना आजारपणाचा सामना करावा लागला. यावर्षी अनेक गिर्यारोहकांना श्वास अडकणे, छातीत त्रास व न्यूमोनिया चा त्रास झाल्याची माहिती मिळाली आहे.
