बेळगावचे खासदार सुरेश अंगडी यांनी स्वतः ट्विट करून एक तरुणाच्या मृत्यूला खून असे स्पष्टपणे म्हटले आहे. आता अशा पोस्ट घालणाऱ्या तरुणांना अटक करणारे पोलीस पुढे काय करणार? हा प्रश्न आहे. पोलिसांनी एकतर खून की आत्महत्या हे स्पष्ट करावे व ही खुनाची घटना नसल्यास त्या तरुणांप्रमाणे खासदारांवरही गुन्हा घालणार काय? याचा खुलासा करण्याची गरज आहे.
हिरेबागेवाडी येथे गळफास लावलेल्या अवस्थेत एका तरुणाचा मृतदेह सापडला वरून सध्या वातावरण तापले आहे. आडव्यापण अंकलगी( ता गोकाक ) येथील तरुणाचा संशयास्पद मृत्यू झाला आहे.
हिरेबागेवाडी च्या एपीएमसी आवारातील एका स्वच्छतागृहांमध्ये गळफास लावलेल्या अवस्थेत त्याचा मृतदेह आढळून आला होता. त्यावेळी पोलिसांनी या घटनेची नोंद करून पोस्टमार्टम केले असले तरी सोशल मीडियावर उलट-सुलट चर्चा आहे विशेषता सोशल मीडियावर अफवा पसरवणाऱ्या दोघा तरुणांवर पोलिसांनी कारवाई केलेली असताना याच प्रकारची पोस्ट खासदार सुरेश अंगडी यांनी ट्विटरवर केलेली असून खासदार अंगडी म्हणतात ते खरे आहे का? हा प्रश्न निर्माण झाला आहे.
शिवकुमार बलराम उप्पार असे त्या 19 वर्षीय तरुणाचे नाव आहे. तो हिंदू संघटनेचा कार्यकर्ता होता, त्याचा गळफास लावलेल्या अवस्थेत मृतदेह आढळून आला, पोलिसांनी या संदर्भात चौकशी केली असता आयटीआयचे शिक्षण घेताना आलेल्या त्याने आत्महत्या केली असल्याचे उघड होत असले तरी त्यासंदर्भात वेगळ्या प्रतिक्रिया उमटत आहेत. शिवकुमार शिवू उप्पार या नावाने प्रसिद्ध होता ,गोरक्ष अभियानात त्याने काम केले आहे. त्यामुळे गो हत्या रोखण्यामुळेच त्याचा खून झाला आहे का अशा प्रकारचा संशय निर्माण झाला असून त्याबद्दलची पोस्ट सोशल मीडियावर व्हायरल झाले आहेत.
जिल्हा पोलीस प्रमुख सुधीर कुमार रेड्डी यांनी या संदर्भात अफवा पसरवणाऱ्या वर कारवाई करण्याची सूचना दिल्यानंतर अर्जुन मुत्याप्पा बसर्गी आणि फकिरप्पा तळवार या दोघांना अटक करण्यात आली आहे.
खासदार सुरेश अंगडी यांनी आपल्या ट्विटर अकाऊंटवर पोस्ट करताना *19 वर्षाचा शिवू उप्पार याला बेळगाव बागेवाडी बस स्टँड वर खून करून लटकवण्यात आला आहे, त्याची एकच चूक आहे ते म्हणजे त्याचे गाई वरचे प्रेम त्याने स्मगलरला रोखण्याचे धाडस दाखवले हीच त्याची चूक आहे .त्यामुळे त्याचा खून करून त्याला फास लावण्यात आला आहे.* असे खासदारांनी लिहिले आहे तसेच कर्नाटकाचे मुख्यमंत्री आणि पोलिस आयुक्तांनी याची चौकशी करावी अशी मागणी त्यांनी केली आहे मात्र हे प्रकरण जिल्हा पोलीस प्रमुख सुधीर कुमार रेड्डी यांच्याकडे येत असल्याने अफवा पसरवणाऱ्या वर कारवाई करायची असल्यास खासदारांचेवर पोलीस प्रमुख कारवाई करणार का हा प्रश्न निर्माण झाला असून ही अफवा नसल्यास शिव याचा खरेच खून झाला आहे का हे सुद्धा पोलिस दलाला शोधून काढावे लागणार आहे.
