बेळगाव शहर आणि परिसरात 40 अंशावर गेलेला पारा आणि त्यामुळे नागरिकांची होणारी होरपळ या परिस्थितीत आजारांचे प्रमाण वाढले आहे. बहुतांश भागांमध्ये उष्णतेच्या लाटेने अनेक जण घरी बसणेच पसंत करत आहेत. या उष्म्यात अजूनही वाढत होत आहे. मात्र मागील दोन दिवसांपासून रात्रीच्या वेळी थंडी जाणवू लागले आहे.
सध्या अनेक ठिकाणी तापमानाचा पारा गेल्या दहा वर्षातील उच्चांकी पातळीवर पोचला होता. आणखी काही दिवस उष्णतेच्या लाटा अशाच राहतील अशी शक्यता हवामान खात्याने वर्तविली होती. त्यामुळे उन्हाच्या झळा असह्य होणारे नागरिक गारवा शोधण्यासाठी उद्याने किंवा इतर गारवा असणाऱ्या ठिकाणी विश्रांती करताना दिसत होते.
आता मात्र हवामानात बदल झाला आहे. मागील काही दिवसांपासून बनलेले ढगाळ वातावरण ही गायब झाले असून रात्रीच्या वेळी गारवा जाणवू लागला आहे. काही प्रमाणात थंडी पडल्याने नागरिकांना दिलासा मिळाला आहे.
मागील चार दिवसा पासून हवामान कोरडे होऊन कमी दाबाच्या क्षेत्राची निर्मिती झाल्याने तापमानात अचानक मोठी वाढ झाली होती. मात्र आता याच्यात बदल झाला आहे आणखी काही दिवस असेच जाणार याची माहिती हवामान खात्याकडून मिळाली आहे. ओरिसा आणि इतर भागात निर्माण झालेल्या वादळाचा हा परिणाम असण्याची शक्यता आहे.
