कोणत्याही प्रकारे आचारसंहिता भंग होणार नाही याची काळजी घेण्यात यावी. निवडणूक आयोगाच्या नियमानुसार कोणत्या गैरप्रकाराना थारा देण्यात येऊ नये आणि तसे दिसल्यास त्यांच्यावर तातडीने कारवाई करावी अशा सूचना प्रादेशिक आयुक्त तुषार गिरीनाथ यांनी दिल्या आहेत.
जिल्हाधिकारी कार्यालयात घेण्यात आलेल्या बैठकीत ते सांगत होते. सध्या निवडणुकीचे अर्ज भरण्यात येत आहेत. त्यामुळे सतर्क आणि जबाबदारीने सर्व प्रक्रिया पार पाडली पाहिजे. प्रचार आणि त्यानंतर मतदान तसेच मतमोजणी पार पडेपर्यंत कायद्याचे उल्लंघन होणार नाही याची काळजी घ्यावी, असेही त्यांनी सांगितले.
निवडणूक आयोगाने काही नियमावली घालून दिल्या आहेत. त्यामुळे त्या नियमानुसार आपल्या कामाला चालना दिल्यास योग्य ठरणार आहे. कोणत्याही अधिकार्यानि याकडे दुर्लक्ष करून मनमानी कारभार केल्यास त्याची गय केली जाणार नाही अशी समजही त्यांनी यावेळी अधिकाऱ्यांना दिली.
मागील काही दिवसापासून अवैध धंदे वाढू लागले आहेत. त्याची माहिती वेळोवेळी निवडणूक आयोगाकडे देणे गरजेचे आहे. त्यामुळे संबंधीत व्यक्तीवर कारवाई करणे सोपे जाणार आहे. यापुढे कोणत्याही अधिकार्यांनी कामात कसूर न करता जोरदार कामाला लागणे सोईचे ठरणार आहे. यापुढे कोणत्याही प्रकारची हलगर्जीपणा करू नका, असा सल्लाही देण्यात आला आहे
