उपराष्ट्रपती वेंकय्या नायडू यांचा बेळगाव दौरा रद्द झाला आहे सोमवारी ते व्ही टी यु मधील कार्यक्रमात सहभागी होणार होते.
गोव्याचे मुख्यमंत्री मनोहर पर्रीकर यांच्या निधनानंतर सोमवारी देशभरात शासकीय शोक पाळण्यात येणार आहे त्यामुळे नायडू यांनी बेळगाव दौरा रद्द केला आहे.
सोमवारी सकाळी साडेनऊ वाजता ते हैद्राबाद हुन खास विमानाने बेळगावला येणार होते कालच राष्ट्रीय शोक जाहीर केल्या नंतर उपराष्ट्रपती बेळगावला येणार नाहीत याची कुणकुण लागली होती मात्र बेळगावच्या अधिकारी याला दुजोरा देत नव्हते त्यामुळे ही घोषणा व्हायला वेळ झाला. सोमवारी सकाळी याची अधिकृत घोषणा झाली.
उपराष्ट्रपती बेळगाव ला येणार म्हणून कित्येक दिवसा पासून जययत तयारी करण्यात आली होती शहरातील रहदारी देखील मोठया प्रमाणात वळवून बदल करण्यात आला होता इतकेच काय तर दहावीच्या परीक्षा असल्याने पोलिसांनी विद्यार्थ्यांना परीक्षा केंद्रावर जाण्यास विलंब होऊ नये म्हणून हेल्पलाईन देखील जाहीर केली होती.उपराष्ट्रपती यांच्या सह राज्यपाल वैजुभाई वाला यांनी देखील राष्ट्रीय शोक असल्याने बेळगावं दौरा रद्द केला आहे.
