ख्रिश्चन धर्माचे गुरु आणि सेंट पॉल हायस्कूलचे माजी व्यवस्थापक रेव्हरंड फादर अल्बन डिसोजा यांचे वयाच्या 67 व्या वर्षी आज निधन झाले. बरेच दिवस ते आजारी होते.
रविवार दिनांक 17 रोजी कॅम्प येथील फातिमा कॅथेड्रल येथून सायंकाळी चार वाजता प्रार्थना करून त्यांचा अंत्यविधी केला जाणार आहे. क्लब रोड येथील स्मशानभूमीत अंत्यसंस्कार होणार आहेत. सेंट पॉल स्कूल चे माजी प्राचार्य आणि गोवा धर्म प्रांताचे प्रमुख फादर रोलांड हे प्रमुख उपस्थित असणार आहेत.
फादर अल्बन हे गोवा येथील आहेत. त्यांचा जन्म केनियातील नैरोबी येथे झाला होता. त्यांच्या शाळकरी जीवनापासून ते बेळगाव येथे होते. सेंट पॉल्स हायस्कूलमध्ये त्यांचे शिक्षण झाले 1982 पासून त्यांनी धर्मगुरू म्हणून काम सुरुवात केली. कोल्हापूर येथील सेंट झेवियर्स हायस्कूल, मडगाव येथील लोयोला हायस्कूल आणि बेळगावचे सेंट पॉल हायस्कूलमध्ये त्यांनी शिक्षक उपप्राचार्य आणि व्यवस्थापक अशा जबाबदारी निभावली आहेत. अमेरिकेमध्ये युवा समन्वयकाची पदवी मिळविल्यानंतर त्यांनी बेळगाव गोवा या भागात युवक आणि गरिबांना मार्गदर्शन करण्याचे काम केले.
सेंट पॉल्स मध्ये व्यवस्थापक म्हणून काम करत असताना त्यांनी गरीब विद्यार्थ्यांना सोयी मिळवून देण्यासाठी प्रयत्न केले .दयाळू असलेले फादर यांचे निधन झाल्यामुळे ख्रिस्ती धर्मीयांमध्ये दुःख व्यक्त होत आहे.
