खा अंगडीना सोशल मीडियावर विरोध वाढत आहे.लोकसभा निवडणुकीसाठी भाजपकडून चौथ्यांदा बेळगाव मतदारसंघातून उमेदवारी जाहीर झालेल्या विद्यमान खासदार सुरेश अंगडी याना सोशल मीडियावर जोरदार विरोधाचा सामना करावा लागत आहे. पाच वर्षातून एकदा मते मागायला येता, विकास मात्र शून्य अशा शब्दात नेटिझन्स त्यांची हजेरी घेत आहेत. अश्या विरोधामुळे अंगडीना निवडणूक सोपी जाणार नाही अशी चिन्हे दिसत आहेत.
तीन वेळा संसदेत प्रवेश करूनही अंगडीनी कोणतेच भरीव काम केले नाही, मोठे उद्योग बेळगावात आणण्यात अपयशी ठरले, असा आरोप त्यांच्यावर नेहमी केला जातो. अटल, येडी आणि मोदी लाटेत त्यांची नैया पार झाली. मात्र यावेळी त्यांना मतदारांच्या रोषाचा सामना करावा लागण्याची चिन्हे सोशल मीडियावर दिसू लागली आहेत.
खा. सुरेश अंगडी यांनी उमेदवारी जाहीर करून प्रधानमंत्री मोदी यांच्यासोबत सेवा करण्याची संधी दिल्याबद्दल भाजपा अध्यक्षांचे आभार मानल्याची पोस्ट फेसबुकवर टाकली आहे. यावर कमेंट करताना एका नेटिझनने पाच वर्षातून एकदा मते मागायला येता, विकास मात्र शून्य अशा शब्दात समाचार घेतला आहे.
व्हाट्स अपवर एका जागरूक मतदाराने अंगडीच्या नावे पत्रच लिहले असून
प्रिय अंगडी,
काळजी करू नका,
मोदींजींच्या यशाच्या आधारावर आम्ही नक्कीच आपल्या विजयात योगदान देवू.
गेल्या अनेक वर्षांपासून आपण जवळजवळ गहाळ झाला होता. हे आपल्यासाठी लाजिरवाणे असूनही आम्ही पुढील विकासाच्या आशेने आपल्याला समर्थन देतो.
मोदी जरुरी, अंगडी मजबुरी अशा शब्दात ताशेरे ओढले आहेत.
सोशल मीडियावर खासदारांच्या कामाचा जाब विचारण्यात येत असल्याने त्यांना आगामी निवडणुकीच्या प्रचारात जनतेच्या रोषाचा सामना करावा लागण्याची शक्यता आहे.
सध्या अंगाडीजी ओव्हर कॉन्फिडन्स मध्ये आहेत. मोदी कडे बघून आपल्याला मते मिळणार आणि खासदारकीची माळ चौथ्यांदा आपल्या गळ्यात पडणार याचे गुपित हास्य त्यांच्या चेहऱ्यावर दिसत आहे. पण शेवटी लिंगायत समाज त्यांना त्यांची जागा दाखवून देणार असेच सोशल मीडियावर चर्चेत असून मजबुरी का नाम अंगडीजी होणार की दुसरे काय होणार? हे निकाल लागल्यावर दिसेलच.
