मिलीटरीच्या गाडीला पाठीमागून दुचाकीने धडक दिल्याने झालेल्या अपघातात दुचाकी स्वार पती जागीच ठार झाला तर पत्नी किरकोळ जखमी झाल्याची घटना बेळगाव वेंगुर्ला(हिंडलगा)रोड वरील महात्मा गांधी सर्कलवर घडली आहे.
बाबुराव यल्लप्पा कणबरकर वय 34 रा.कावळेवाडी असे अपघात मयत झालेल्याचे नाव असून त्याची पत्नी आशा वय 30 किरकोळ जखमी झाली आहे.
पोलिसांनी दिलेल्या माहितीनुसार हिंडलगा रोड वरील महात्मा गांधी चौकात दुपारी साडे बाराच्या दरम्यान हा अपघात घडला आहे. मयत बाबुराव हा गणेशपुर हुन कंग्राळीला जात होता तर मिलीटरीची गाडी हिंडलग्या कडून मिलिटरी हॉस्पिटल कडे जात होती त्यावेळी चौकात दुचाकीने मिलिटरी गाडीला धडक दिल्याने हा अपघात घडला आहे.
मयत बाबुराव हा आपल्या पत्नीसह कंग्राळी कडे जात होता त्याच्या पश्चात दोन मुले आहेत या प्रकरणी रहदारी दक्षिण पोलिसांत गुन्हा नोंद झाला आहे.