मराठा सेंटर मधील मैदानावर शनिवारी सैन्य भर्ती आयोजित केली असून यासाठी हजारोंच्या संख्येने युवक भर्ती सहभागी होण्यासाठी बेळगावात दाखल झाले आहेत.महार रेजिमेंट मध्ये 80 जागांसाठी सैन्य भरती आयोजित करण्यात आली आहे.सदर भर्ती शुक्रवारी होणार होती मात्र पुलवामा येथील दशहतवादी हल्ल्यामुळे शनिवार पासून भरतीला सुरुवात होणार आहे.
सध्या देशात पुलवामा येथील हल्ल्यात सी आर पी एफ चे 40 जवान शहीद झाले असताना सैन्य सेवेत भरती होऊन देशाचे रक्षण करण्यासाठी हजारो युवक तयार आहेत.उद्या शनिवारी सकाळी सहा वाजता या भरतीला सुरुवात होणार आहे.कर्नाटक महाराष्ट्र गुजरात सह देशातील अनेक राज्यांचे युवक या मिलिटरी भरतीसाठी बेळगावला आले आहेत.
देश भरातून युवक बेळगावात दाखल झाले असून रेल्वे स्थानक,कॅम्प भागातील रस्त्यांच्या बाजूला आश्रय घेत आहेत.
सध्या बेळगावात सर्वत्र जम्मू काश्मीर मधील शहीद जवानांना श्रद्धांजली वाहण्यात येत आहे अनेक जण देशभक्ती दाखवत आहेत अश्यात रोजगार आणि सैन्यात भरती होऊन देश सेवा करण्याची इच्छा व्यक्त करू इच्छिणाऱ्या युवकांना आश्रय देऊन मदत करण्याची गरज आहे.
