हलग्याची कन्या कु.अक्षता बसवंत कामती हिने खेलो इंडिया राष्ट्रीय स्पर्धेत चमक दाखवली असून सुवर्णपदक पटकावले आहे.
पुणे येथील छत्रपती शिवाजी स्टेडियमवर सुरू असलेल्या खेलो इंडिया राष्ट्रीय स्पर्धेत 72 किलो वजनी गटात वेटलिफ्टिंग मध्ये सुवर्ण पदकाची कमाई केली आहे.देशातील विविध राज्यातील स्पर्धकांनी या स्पर्धेत सहभाग घेतला होता त्यात अक्षता हिने कर्नाटक राज्याचे प्रतिनिधित्व केले होते.
सध्या ती साई स्पोर्ट्स इंडिया बंगळुरु येथे प्रशिक्षण करत असते तिला बंगळुरूचे प्रशिक्षक श्यामला शेट्टी,इरफान आणि बेळगावचे माजी प्रशिक्षक सदानंद मालशेट्टी यांचे मार्गदर्शन लाभले आहे.
एक शेतकरी कुटुंबात जन्मलेल्या अक्षता हिने वेटलिफ्टिंग सारख्या खेळात राष्ट्रीय स्पर्धेत सुवर्णपदक मिळवणे कौतुकाची बाब आहे त्यामुळे तिचे सर्वत्र अभिनंदन होत आहे.तुरमुरीची कन्या मलप्रभा जाधव हिने एशियन गेम्स मध्ये कांस्य पदक पटकावल्या नंतर बेळगाव तालुक्यातील मुली क्रीडा क्षेत्रात भरीव कामगिरी करताना दिसत आहे.
