अधिवेशन आले घरा तोची दिवाळी दसरा या म्हणी प्रमाणे मंत्री महनीय व्ही व्ही आय पी व्हिजिट आणि विधान सभेच्या अधिवेशनाच्या पाश्वभूमीवरच बेळगाव शहरातील रस्ते गुळगुळीत होताना दिसत आहेत.
पिरनवाडी ते झाडशहापुर हा राष्ट्रीयमार्ग 4 अ मध्ये मोडणाऱ्या रस्त्याची दुर्दशा झाली होती. त्या रस्त्याचे दुरुस्तीचे काम हाती घेण्यात आले आहे.
या अगोदर मच्छे यूथ चॅलेंजर्स आणि ग्रामस्थांच्या वतीनं स्वामी नगर कॉर्नरवर रस्ता रोको आंदोलने अनेक निवेदने देण्यात आली होती त्या आंदोलनाना केराची टोपली मिळाली होती मात्र आमदार खासदारांची वर्दळ वाढणार असल्याने हे रस्ते दुरुस्त होताना दिसत आहेत.
पिरनवाडी ते झाडशहापुर रोड वर खड्ड्यांचं साम्राज्य निर्माण झालं होत या भागात झालेल्या अपघातात अनेक युवकांचे बळी गेले होते शेवटी शासनाला जाग आली असून रस्ता दुरुस्तीचे काम सुरु झाले आहे.
