गेले दहा दिवसांपासून बेळगावात झालेल्या हिवाळी अधिवेशनात दिवस रात्र पोलीस बंदोबस्त बजावलेल्या पोलीस दलाचे आभार मुख्यमंत्री एच डी कुमारस्वामी यांनी मानले आहेत.
गेल्या दहा दिवसांत पोलिसांनी केवळ सुवर्ण सौध परिसरात चोख बंदोबस्त ठेवला नाही तर रहदारी नियंत्रण,व्ही व्ही आय पी कनवे इतर जबाबदाऱ्या देखील यशस्वीपणे पार पडल्याने बेळगाव पोलीस आयुक्तांसह अन्य अधिकाऱ्यांचे देखील कौतुक केलं आहे.शुक्रवारी दुपारी अधिवेशनाची सांगता होताच कुमारस्वामी यांनी स्वतः होऊन सर्व पोलीस अधिकाऱ्यांच्या भेटी घेतल्या त्यांच्या सोबत फ़ोटो सेशन केले.
अधिवेशन स्थळी शेकडो सरकारी निम्न सरकारी संस्थानी आंदोलने हाती घेतली होती मात्र कोणताही अनुचित प्रकार घडू न देता पोलिसांनी बंदोबसताची जबाबदारी यशस्वीरीत्या पार पाडली होती. गेल्या दहा दिवसांत चार हजार हुन अधिक पोलीस अधिकाऱ्यांनी हा बंदोबस्त केला होता.
संकम जवळ ट्रॅफिक जाम,यंत्रणा बंगळुरूला शिफ्ट
बेळगावातील अधिवेशनाचे शुक्रवारी सूप वाजले गेले दहा दिवस बेळगावला स्थलांतर झालेली प्रशासकीय यंत्रणा पुन्हा बंगळुरूला शिफ्ट झाली आहे.
शुक्रवारी सायंकाळी बस स्थानकातून बंगळुरू कडे जाणाऱ्यांची संख्या अधिक झाल्याने किल्ला तलाव संकम हॉटेल बस स्थानका जवळ सातच्या सुमारास अर्धा तासाहून अधिक काळ ट्रॅफिक जाम झाला होता.बेळगाव हुन बंगळुरू कडे जाणाऱ्या सर्व खाजगी आणि राज्य परिवहन मंडळाच्या बस फुल्ल झाल्याने बंगळुरूला जाणाऱ्या अनेकांनी हुबळी हुन पुढे बंगळुरूचा प्रवास केला.एकूणच अधिवेशन संपल्याने ट्रॅफिक जाम,लाल दिव्याच्या गाड्या,सायरन, गर्दी असे चित्र कमी होणार आहे आणि सोमवार पासून पुन्हा शासकीय कार्यालये गजबजनार आहेत
